MIRROR成員盧瀚霆（Anson Lo）、柳應廷（Jer）；黃德斌、簡慕華、魏浚笙（Jeffrey）、徐㴓喬（Asha）、練美娟等人主演的ViuTV劇集《百萬同居計劃》，將於下周一（5/12）首播，劇中以參賽者身分，與陌生人在豪宅中同居半年，便有機會贏取一百萬元。
同場加映：炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌
《百萬同居計劃》演員今日在九龍灣出席記者會，黃德斌透露與練美娟飾演夫婦，是同居計劃的參加者；Anson Lo則扮演燈仔，他說：「我都係參加者，好鍾意錢，冇目標，冇方向。夠錢使過到今日就已經覺得好足夠，聽日嘅事就聽日先算。我同Asha有感情戲，親熱對象反而唔係佢。觀眾喺預告片度睇到，係有親密少少嘅鏡頭，我係有啲尷尬，我上身係冇着衫，好緊張。」
Anson Lo與Asha屯門高調拍拖 高溫下着厚褸談情：今日好熱！【下一頁】
Anson Lo、Jeffrey和Asha在劇中發生三角關係，Jeffrey明戀Asha，Anson Lo大讚Jeffrey的顏值很高，後者即說：「阿Lo先係屈機靚仔，大家都知，所以費事...」Asha接着說：「宣傳海報上，我同阿Lo拖住手，Jeffrey都要騷肌肉，佢唔會輸蝕。」問到Anson Lo和Asha有沒有親熱鏡頭？兩人就大賣關子，Anson Lo只說：「有親密嘅接觸。」Asha直言不擔心神徒（Anson Lo fans暱稱）呷醋。
對於有報道指，有網民爆料暗示姜糖（姜濤fans暱稱）課金購買《2022年度叱咤樂壇流行榜頒獎典禮》門票，有欠公平，Anson Lo說：「我冇收到呢啲comment，我知道不嬲買飛都係好難，如果真係走後門，唔正當，當然係唔鼓勵啦！但我又唔知真定假，所以唔評論。」提到他早前在《KKbox香港風雲榜》上激動爆喊，網民揶揄賣慘搶鋒頭，Anson Lo回應：「當時我係超級唔想喊，其實前一日綵排，我已經係咁嘅狀態，所以綵排完，我同自己講正式表演當日唔可以咁樣，我想好專業咁完成表演。作為一個表演者，唱晒成首歌係好基本，但我當時真係hold唔住情緒，唱唔到首歌，大家都見到我不停講『對唔住』，因為嗰刻feel bad，我為咁辛苦買飛入嚟支持嘅fans，或者觀眾而不值。因為大家應該睇到100%表演，所以我都好抱歉。」
KKBOX香港風雲榜丨MIRROR 11子大合唱感觸落淚 Ian回應分訊：Amy係好好嘅女仔【下一頁】
問到如果《百萬同居計劃》收視好，是否會騷肌派福利，黃德斌笑說：「最近好忙，少咗時間去做gym，都有『三斤』喺度嘅，畀啲時間我，等我操吓啲肌肉再畀大家睇。」提到經常與MIRROR合作，他說：「姜濤做過我個仔，Edan又做過我愛人，今次Jer喺劇入面同我關係又非常緊密。其實經過呢一年，我覺得有幾位演員嘅表現係成長咗，佢哋喺舞台上嘅才能發揮，令我好安慰。（Stanley喺MIRROR有『邱視帝』之稱）係咩？加油！哈哈。」
採訪：黃寶蓮
撰文：黃曉妍
攝影：何家賢
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】