一起走過｜張國強當年入《430》被杜琪峯鬧 見證梁朝偉成為TVB一線小生

KK張國強是兒童節目《430穿梭機》第一代主持人，同譚玉瑛姐姐是不少港人的集體回憶。其實當年KK在電視同電影已做出一定成績，但他未有理會杜琪峯的意見，毅然放棄做劇集主角的機會，轉入兒童組做一個新開的節目主持人。這次KK接受《一起走過》主持人楊紹鴻、文頌嫻訪問，公開跟分享箇中原因。

同場加映：痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

{{hket:inline-image name="mfile_9607_832357_1_l.jpg"}}{{/hket:inline-image}}

{{hket:inline-image name="09171007_600.jpg"}}{{/hket:inline-image}}

{{hket:inline-image name="08152004.jpg"}}{{/hket:inline-image}}

現年65歲的KK早年影視兩忙，該段時期無綫作品有《無花果》、《瑪麗關77》、《年青人》及《青春熱潮》，電影則有《點指兵兵》、《夜車》、《文仔的肥皂泡》及《波牛》等，戲劇方面可謂發展得不錯，可是1982年卻接受無綫安排，轉入兒童組主持新節目《430穿梭機》，KK表示：「公司當時話有個節目，唔係重點（節目），係冇人去做…，當時點解拍緊咁多劇集又做咗咁多電影，點解會做兒童節目呢？呢個轉捩點係我諗咗好耐，我覺得由足球員身分出去咁多機會，覺得自己好多嘢仲未夠。（不是自己要求入組？）係公司調，我係可以拒絕，而係當時點樣去取捨，其實入電視台都係想多啲學習，但往往未必有電視台監製鍾意你、會畀嘢你做，或者未有咁多主線嘅戲畀你做，好似患得患失咁，覺得做《430》都好，可以成日面對鏡頭，多咗機會去表演。有時劇集唔開，你就坐喺度等劇集開，對我嚟講 (兒童節目) 係training，可以日夜有嘢做。」

童你一起長大了｜譚玉瑛孖張國強40年後再扮機長 感觸眼濕濕：要齊人見番真係難【下一頁】

主持人楊紹鴻對此卻不同意，認為KK本身演員方向發展得好好。KK隨即解釋：「冇錯，當我抉擇咗之後，就畀杜琪峯鬧我，話我『做咩轉過去？諗住一齊連續合作落去』，點解我要走？係因為我有好多隱憂，第一想多啲面對鏡頭，第二就係（兒童節目）爆騷好犀利，當時我又做埋星期六嘅《青春前線》及《動向索引》，一星期做足七日。（很多人恨拍劇？）好多人唔會咁樣放棄，轉去做些所謂細節目，我要再澄清係想有多啲磨練，當時接受呢個挑戰只係嘗試做2年，點知一做就4年，86年時叫我再做就真係覺得好夠，剛剛好趕得切出番嚟拍電影。」

童你一起長大了｜張國強神還原《430穿梭機》機長 《閃電傳真機》玉女張沅薇話當年【下一頁】

至於4年內有否再拍電影？KK說：「剛加入時仲有拍《波牛》，嗰4年就冇拍電影，覺得有時係焉知非福，嗰陣都有好多主持嘅工作，仲有一個得益，85年出過一張唱片…，所以係有啲得着，回顧番嗰時放棄劇集有啲可惜咁，但而家睇返個個會講《430》，可能我個人唔係計得咁盡，總知嗰時試吓做呢樣嘢，得失從來冇諗得咁重，隨遇而安，有咩就做。」

（↓點擊放大睇圖片↓）

提到不少巨星曾是《430》主持人，KK說：「第一代有個係空中小姐，叫方家瑩，因為做咗幾個月未必適應到，有一次喺廠有意外跌傷條腰，佢就順勢冇做，我哋好迫切搵個人頂替，佢就係譚玉瑛。後來越來越多新人入嚟，梁朝偉、區艷蓮，曾華倩、藍潔瑛、周星馳同龍炳基，陸續咁嚟，記得梁朝偉做咗幾個月，就調番出去拍《再見19歲》，已經係做男主角。（監製多數在《430》揀人？）又唔係，《430》好似一個過度時期，畀機會你面對鏡頭，又多騷錢，係有一個練習過程喺度，佢哋都知道一陣間會調番出去。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】