陸浩明（6號）這日接受港台節目《一起走過》主持人楊紹鴻、文頌嫻訪問，分享他當年為何約滿有線後加入無綫，繼而憑2013年同肥媽Maria Cordero合作《食平D》成功入屋，經過多年努力成為無綫知名主持人等經歷。
同場加映：岑麗香獲大仔英雄救美讚Man爆 未敢再生B：怕自己處理唔到
6號透露2011年過檔無綫，無非是想有些改變，不想留在comfort zone，感覺事業欠缺挑戰。離開是否跟高層余詠珊有關？他說：「一半一半，嗰時咁啱係王維基電視大戰，成個電視圈大洗牌，對於電視嘅幕前同幕後人員係一個黃金年代，轉得台自然會加人工，魚唔過塘唔會肥。記得同有線仲有半年約左右，正常傾續約會係早1年或早8、9個月，可能當時有啲人事變動，竟然冇人同我傾，於是就諗吓係咪要轉換地方工作，都喺有線做咗10年。」
一起走過︳高雄憶昔日被無綫玩足2年冇劇拍 《007》試鏡輸曾江感心服口服【下一頁】
當年同期有線藝人包括洪永城、李佳芯、譚凱琪及黃翠如等，同樣過檔無綫，在劇集發展方面明顯好過6號，他說：「絕對冇比較，自己enjoy嘅舞台係做主持司儀。（拍劇相對搵錢多？）如果呢幾年唔計疫情，做主持、司儀嘅收入真係唔錯，森美、Bob（林盛斌）同Mayanne（麥美恩）吸金都吸得好勁。（過檔後要洗底？）都要嘅，開頭就做J2節目先，我都係畀心機去做，總之做大節目、細節目都做好晒資料搜集，做好功課先至出席。（人工有冇少到？）一定少咗，做咗大半年之後開始好轉。」魚唔過塘唔會「肥」，也是指肥媽，「最轉捩點係同肥媽拍咗個節目《食平D》，真係幫到我入屋，令到觀眾、太太同小朋友認識我。肥媽喺無綫做過一輯《搵食》，第二輯監製想加人，加個男仔入去。我同肥媽之前冇好深厚合作，以前喺有線好驚佢，佢出嚟有大家姐風範好有霸氣，新人嗰時見到佢要恭恭敬敬，唔會講多兩句嘢，喺無綫頭兩年同佢合作仲係驚驚哋。」
一起走過︳謝寧被爆拍劇遭男主角博懵掃胸 完全無印象：原來畀人恰過【下一頁】
追問過大台有否想過拍劇？6號就話：「開頭都有一絲諗過，照照吓鏡發現都係唔好嘞！（陸永都做到男主角）佢有戲劇底，好似有讀過…好記得十幾年前客串容祖兒、劉青雲嘅《身嬌肉貴》，飾演一個店舖經理嘅物體，同劉青雲有對手戲…好緊張。背好晒對白又點？拍咗2、3個take後，劉青雲同我講『6號，你係咪做電台㗎？你講嘢嘅語氣同節奏好似一個主持同DJ』。以為佢有聽我節目…唉，咁就死得，做唔到店長呢個角色，我做慣主持，開聲就慣咗嗰個模式，就算平時講電話都係咁…一盆冷水淋咗埋嚟。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
其實6號之後也有拍劇機會，去年在《智能愛人》飾演「渣男」田浩，竟然對女友Mayanne的機械人李佳芯有非份之想。6號表示：「上次拍《智能愛人》嘅經驗，原來演戲咁困難，相反綜藝就要熟習流程同反應要快，拍劇唔可以快要慢慢嚟。始終拍劇冇人教，畀份劇本就埋位。（想做咩角色？）可能演一個老師，會有師生戀，或者驅魔類型，但我懷疑係做鬼被驅多！」
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】