內地男星蛇精樣被唾棄「逆轉整容」 成功變型男激似神顏許光漢

內地男藝人林皓洋（廖勁鋒），過去曾因電視劇《香蜜沉沉燼如霜》中「撲哧君」一角而為人熟悉。一向大方承認曾經整容嘅佢，因為整得太唔自然而被大家稱為「蛇精男」，近日佢又再一次改頭換面，不過竟然回復自然，仲被網民大讚陽光型男，非常成功！

同場加映：樊亦敏透過比賽增自信散發光芒 蔡國威林子超把握機遇「被看見」

{{hket:ul-video id="7144"}}{{/hket:ul-video}}

近年唔少人都會為咗擁有自己夢想嘅樣貌而決定整容，內地男星林皓洋入行時以網紅「轟叔」身份出演綜藝節目；當時唔符合比例嘅深邃大眼睛已被唔少網民認為佢曾經整形！不過其實佢本身嘅外形都唔差，讀於中國傳媒大學時已係公認嘅校草，曾獲得「大眾時尚潮男」嘅名銜。

{{hket:inline-image name="3580248-PH.jpg"}}{{/hket:inline-image}}

2018年林皓洋於內地電視劇《香蜜沉沉燼如霜》中飾演「撲哧君」，當時樣貌似乎更加誇張，西化嘅外表更同古裝格格不入，直呼佢為「蛇精男」！而佢亦承認為演藝事業而多次進行外貌調整，希望擁有完美面龐。

近日，林皓洋又再一次被網民發現「變面」，仲將過往嘅藝名重新改過 ，似乎係想重新開始演藝事業。而今次佢竟然搖身一變成為陽光男孩，五官亦變得十分自然，逆轉整容痕跡令網民驚艷，瞬間登上熱搜！

林皓洋於微博上公開回應再次「換面」嘅傳言，並感謝網民們正面嘅評價。林皓洋大方分享自己嘅「修復之路」，指認清自己嘅審美有偏差並作出改善，而當時最大問題就係雙眼皮唔自然。佢表示過程並唔順利，要經過4次嘅「修復」後，先變成現時嘅樣貌，強調並非鼓勵大家整容，鼓勵大家喜歡及接受自己嘅樣貌。唔少網民都認為佢回應得體，大讚佢敢作敢為值得讚賞！