百佳×SOU•SOU「冬日の暖」 儲印花換全球限量精品

大家咁耐無返「鄉下」，一定好掛住日本嘅產品。黛安收到風，百佳超市獨家推出日本京都品牌SOU•SOU「冬日の暖」全球限量版精品，包括保溫瓶、折疊式購物車等，美觀又實用，真係唔可以錯過，黛安都想帶晒佢哋返屋企！

今次SOU•SOU和百佳聯乘嘅精品，採用代表品牌嘅典型圖案「SO-SU-U」，加上流行圖案「貓」和「花子」，其中兩款精品更集合咗「貓」和「SO-SU-U」兩款圖案，包括掛牆鐘和座枱鐘。另外，仲有非常可愛嘅貓圖案雙層玻璃杯、保溫壺、毛氈等等。

公關姊妹話，即日起至明年2月23日，易賞錢會員喺全綫香港或澳門百佳超市分店買滿$50，就有1個SOU•SOU冬日の暖電子印花，逢星期五、六、日買滿$250，仲有雙倍電子印花，喺百佳網店購物滿$50都有雙倍印花㗎。儲齊印花後，可以由今日起至明年3月2日，以低至6折價錢換購呢啲精品，易賞錢VIP更可憑指定易賞錢積分，低至免費換領㖭；例如儲滿5,000積分就可免費換領座枱鐘喇。