陳敏之與相識十年家傭相擁而哭 姐姐回鄉產子3年後回港再入屋

陳敏之今年4月於社交平台出post，分享服務佢屋企多年嘅外傭姐姐Ah Sa終於要返家鄉！敏之同工人姐姐的感情非常好，呢位姐姐更有份湊大敏之5歲嘅兒子雷子樂。敏之當時仲分享一條囝囝雷子樂一邊喊，一邊嗌住：「Don’t Leave me！」嘅短片，Ah Sa就攬住子樂，唱歌氹佢，感情好深厚。敏之為咗答謝Ah Sa仲訂蛋糕送給佢同另一位生日嘅外傭Ah Zo，被大讚係好僱主。

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

天下無不散之筵席，不過有緣就一定會再聚。日前敏之post出佢同另一位前任姐姐嘅多張合照，當中仲有一條二人攬住一齊喊嘅短片，原本呢位3年前離開咗香港嘅姐姐近日再次回港幫敏之打工，敏之留言：「重聚❤️Ah Dee幫我工作八年多，幾年前她要回家鄉結婚生仔，所以我萬分不捨讓她回家。結果，她生了一個非常精靈活潑的仔仔，感恩💕」

{{hket:inline-image name="10.jpg"}}{{/hket:inline-image}}

敏之表示姐姐陪伴佢經歷咗好多人生大事，所以二人感情都好深：「記得我都未結婚仲係拍緊拖嘅時候，佢已經幫我做嘢，真係睇住我結婚生仔，我記得生子樂嘅時候，佢都有喺醫院陪我過夜，所以佢已經係我屋企嘅一份子，現在她再來香港打工，我哋終於有機會可以重聚！昨天我一打開門見到佢，我哋就相擁而哭，真係好開心！好似發夢咁，佢一啲都冇變，我哋仲係咁好感情 。」

片段嘅鏡頭一轉，幫二人拍片嘅另一位姐姐Ah Zo都忍唔住喊，唔少網民都話好感動，又表示敏之一定係一個好僱主，姐姐先會再為佢打工，網民留言:「你肯定係一個超級好嘅僱主，姐姐生完BB都返嚟幫你手，見到你哋video好有愛！」、「看著也覺得感動。」、「你對人好，人對你好！」、「好姐姐遇上好僱主。」

圖片來源：Instagram