MIRROR「四大才子」江𤒹生（AK）、楊樂文（Lokman）、王智德（Alton）及邱傲然（Tiger）在劇集《繩角》中分飾拳擊手，開拍前他們跟隨正統訓練打拳外，身形都要操到最弗，務求可以演活職業拳手的角色。其實Lokman和AK都學過跆拳道，所以拍攝起來時事半功倍。
同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪
繩角丨AK演拳擊手打完對方仲要錫？ Lokman疑被打中 現場一度緊張【下一頁】
AK、Lokman、Alton及Tiger於劇集《繩角》中飾演職業拳手， Tiger從小學習武術，更曾得到多個獎項，成績斐然，不過Tiger表示：「以前學的功夫都只係武術，但今次拍劇嘅係西洋拳，係兩碼子嘅事。」而Lokman就曾經學過跆拳道，「我以前學打過跆拳考到黑帶一段，最高級係可以去到9段，不過上到嗰個階段就已經唔係『打』，而係去到寫文㗎啦。」但為何不再繼續提升自己段數? Lokman解釋到中學時，興趣突然轉移到跳舞方面，因此放下跆拳道。至於AK就表示自己有跆拳道最初級的白帶，「因為唔識分左右，打唔到四方拳，所以提升唔到。」
劇集於年初開拍，期間適逢疫情高峰期，令訓練計劃出現阻滯，他們坦言未能展現最佳狀態。提到劇中最好打會否是有「日本拳王」之稱的Alton? Lokman笑言：「劇入面最好打係佢，現實中都可能係，不過我哋冇人敢證實，都冇興趣去知道，哈哈！」AK回想到最難忘一場就是跟Lokman這場對打場面，拍足四晚通宵，Lokman表示：「呢場戲要一shot拍攝，之前花好多時間去排練招式，因為導演希望可以兩、三個take完成，雖然拍得好辛苦，但係大家都拍得好開心，拍完後放下心頭大石。」
MIRROR回應事故報告惹舞蹈員不滿 有人再爆料：AK升上嚟架貨櫃車差啲反呢？【下一頁】
Lokman表示今次最辛苦是拍完打拳戲回家，仍繼續進食和健身，明知只有幾小時休息，還是要硬著頭皮完成所有任務才可真正放鬆下來，讓身體休息。四子當中以Lokman和AK最能保持弗爆身型，拍得住去年MIRROR於九展開演唱時曬腹肌的高峰期。不過，AK認目前比拍攝時瘦得多，鋼條身形已不復見，Alton就笑說:「我而家算喺合格範圍啦！」最搞笑就是Tiger：「我直頭要重讀呀！」三人在旁哈哈大笑。現實中有武術底子的Tiger，反而在劇中並沒有打拳的場口，連騷肌的鏡頭也欠奉，「我喺劇入面係三師兄，但主要都係靠把口，格鬥就冇我份啦。」不過Lokman指Tiger的角色亦很亮眼，角色串連各師兄弟的關係，亦是各師兄弟之間的催化劑。
拳擊戲不乏大量格鬥場面，談到打得最甘原來是AK，AK就表示：「其實我同Thor嘅對打場面真係好甘，我個角色就係由零開始畀人捉入去拳館學打拳，因此過程中要拍好多打拳戲；Thor係最勁，睇住佢嘅身形變化，佩服得五體投地。」AK表示打拳是一個非常好的運動，有機會都好想認真去學。
髮型: Lorraine Lam、Seiko Sin、Frankie Ho@HairCulture
化妝: Giann Cheung、Cori Wong、Mayling Suen @Annie G.Chan Makeup Centre
服裝: Valentino, Harvey Nichols, Sandro, Polo Ralph Lauren, Swank, I.T
採訪、撰文：黃寶蓮
攝影：林良明、何家賢