親如家人 ︳印傭姐姐共處9年成全家開心果 港媽感激無私付出：佢造就我哋一家

好姐姐可遇不可求。育有兩名囡囡的港媽9年前有幸請到好姐姐，大讚對方為人誠懇有禮，工作上亦盡心盡力，甚至在囡囡先後確診新冠肺炎時亦不惜徹夜陪伴在側，關係親如家人。日前好姐姐終於要回國與家人相聚，囡囡們依依不捨於機場與姐姐相擁而泣，場面甚為感人。

同場加映：
Sick問識答︳孕婦飲崩大碗可致流產？ 中醫拆解孕婦飲用涼茶注意事項

{{hket:ul-video id="6830"}}{{/hket:ul-video}}

育有兩名囡囡的媽媽阿Man憶述9年自己準備生第一胎，當時急需一名外傭姐姐幫手處理家務，原先她透過朋友介紹聘用了一名姐姐，來港前夕卻因護照問題被迫放棄。由於分娩在即，阿Man再託友人另覓人選，未料因而促成一段長達9年的美好關係，

「本來諗住冇咗個橙都可能執番個桔，估唔到原來係一個『金桔』！」

阿Man指印尼姐姐Yanti來港時將近40歲，對其第一印象是極有禮貌而且愛笑，初次見面感覺已甚親切。而且由於Yanti有來港工作經驗，識講中文之餘亦煮得一手好中菜，正好滿足正在坐月的自己，以及同住奶奶需要。

與大女同日「入屋」 待少主無微不至如親人

阿Man憶述當年Yanti來港第一天，正好是初生女兒出院之日，她形容愛笑的Yanti是家中開心果，甚至連囡囡都因而樂天愛笑。由於自己與丈夫皆忙於工作，難以徹底監督姐姐工作，但見到女兒開心，就知道姐姐必定有盡好照顧責任。

父母忙於工作，要照顧一名子女已甚艱難。阿Man直言當初心想「一個夠晒數」，可能由於Yanti本身都有兩名女兒，故不時提議她考慮再生一胎。阿Man就因工作太忙從未考慮，於是打趣反問「生咗係咪你湊」，未料答覆卻出乎意表，

「姐姐原本打算返印尼陪屋企人，點知竟然願意留多2年幫我照顧囡囡，所以我先會生第二胎。」

囡囡先後確診 姐姐徹夜照顧無怨言

談到與姐姐相處的難忘時刻，阿Man指今年3月左右，兩名囡囡幾日內先後不幸確診新冠肺炎，Yanti卻不介意戴住口罩陪伴兩位發燒囡囡連夜照顧，日間又要外出買餸煮飯做家務，直言可幸有Yanti幫忙才能夠順利渡過艱難時刻。

事實上，Yanti早在5年前已有意回鄉與家人團聚，不過為照顧阿Man細女及疫情才一再延遲。天下無不散之筵席，Yanti最終決定今年回鄉。分別當日，阿Man的兩位囡囡送上自製心意卡，上面貼滿百張相片紀錄一家人9年來生活點滴，而阿Man亦特地送上金器餞別，囡囡於機場道別時亦與Yanti相擁落淚，場面相當感人。

港媽感激9年照顧：造就我哋一家

不少親友都羨慕阿Man有幸遇上好姐姐，但她就認為人與人相處貴乎尊重，如果將外傭當成下人呼喝，雙方難以建立信任關係，更莫說要和諧共處。對於難以再見到Yanti燦爛笑容，阿Man希望將來可以帶囡囡一同往印尼探望這位難得的好姐姐，

「好開心姐姐終於可以一家團聚，係佢造就咗我哋一家，好感激佢對我哋家人嘅愛。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】