萬寧50周年萬寧貓落區派紀念品 藥劑師訪各區 提供免費健康檢查

大型健康美容產品連鎖店萬寧，今年迎來50周年，黛安知道，萬寧為隆重其事，特別與人氣王萬寧貓攜手以「健與美全因你」為主題，推出連串活動，當中萬寧貓將領銜拍攝全新廣告短片，佢喺片中會用尾巴將心心傳送畀大家，表達萬寧一直守護每個家庭，關心大家嘅健與美所需。

另外，由11月11日至20日周末期間，萬寧藥劑師更會走出店舖，透過「社區健康流動服務車」，到訪鰂魚涌、銅鑼灣、尖沙咀、旺角、大圍、沙田、坑口及將軍澳等區，為市民提供免費健康檢查和諮詢服務，完成諮詢後會送出萬寧50周年日曆及一系列購物禮券；萬寧貓都會現身與大家互動，現場亦設互動遊戲，大派50周年磁石紀念品㗎。

為咗回饋yuu會員，萬寧將推出50周年限量購物袋畀會員優先換購，只要登記成會員並喺推廣期購物滿$150，即可以$20換購；萬寧亦設計咗一系列50周年萬寧貓嘅WhatsApp貼圖，由萬寧貓隨時隨地幫你轉達心意。想知更多優惠詳情，就要留意萬寧門市及fb公布喇。