江美儀可謂百搭藝人，曾跟馬國明、黎耀祥、苗僑偉、劉松仁及黃智賢等性格男星拍檔，每次都擦出不一樣火花，當中與馬國明合作的《衝上雲霄II》，為她贏得無綫「最佳女配角」獎項。
美儀今次在台慶劇《下流上車族》同林敏驄飾演兩公婆，再一次帶來驚喜，阿驄有望當視帝的同時不忘多謝好拍檔，稱讚女方完美地帶動對手，令他有超水準發揮，封美儀為「助攻王」，後者對此稱號亦樂於接受。
同場加映：下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點
{{hket:ul-video id="6883"}}{{/hket:ul-video}}
美儀在《下流上車族》內飾演「憶樓成狂」的Karen，有老公林敏驄同兩個女郭柏妍、羅毓儀，串連起「閔老太」鮑起靜/「阿孝」鄧智堅、關曜儁及林穎彤的兩個家庭，同眾人各有對手戲，有笑亦有淚，成功打動一眾劇迷，首周開播取得好收視。
對於走上「百搭人妻」、「百搭媽媽」之路的美儀，開心表示：「阿驄改咗我個名叫『助攻王』，專係幫人達成目標，幾好吖！即係代表我佔有一個席位，每次有啲火花出嚟，唔會次次同一個模式。我會因應劇本去做功課，例如同阿驄合作，我之前唔識佢，究竟佢係點呢？惟有去嘗試，試到一個大家都舒適嘅方式，即係互窒又OK又唔會嬲對方，效果幾好睇就保持住咁去做。」
下流上車族丨林敏驄自責累老婆捱苦激動落淚 喊戲一Take過 江美儀：性情中人【下一頁】
問她合作得最愉快的男星是誰？美儀笑說：「每次合作都好舒服，靚仔就歎過馬國明，而家要諗嘅係戲路，自己適合演咩角色？劇情最好講姊弟戀，有個小鮮肉對手，新劇《羅密歐與祝英台》我演細媽，有4個仔，全部小鮮肉令我後生咗又爽皮，哈哈！（林敏驄難頂？）佢有難頂時候，佢係藝術家，自我中心，有佢嘅缺點、優點，正如我都冇可能冇優點同缺點。合作要睇大家嘅凹凸位，我做嘢會好緊張，佢就滋油淡定，咁就緩和我嘅急。雙方係識英雄重英雄，互相尊重。講真從來冇『火』過，佢有時玩得太癲我會鬧佢。（兩個女好難跟上阿驄節奏？）我有時會幫佢哋兜番，提一提對手講邊句對白，點解叫我『助攻王』？並唔係浪得虛名！」
下流上車族︳江美儀母女爭吵戲勁催淚獲讚 幫郭柏妍入戲：佢學得好快【下一頁】
至於是否有感「以老帶嫰」？美儀直言沒有懷疑過這回事，指江嘉敏在《親親我好媽》飾演她女兒後便走紅，也見證郭柏妍、羅毓儀努力付出，深信她們會憑《下流上車族》彈起，「我向來要求高，同新演員合作，尤其做我啲仔女，一定要傾劇本，問佢哋點睇個角色，希望透過傾偈令佢咃深入了解情節走向。佢哋又乖會做功課，又會講出自己諗法，喺有基礎之下埋位就冇咁驚。點解而家觀眾咁受落？係因為我哋上上下下好團結，總係為對方著想。好似阿孝一家情節，睇睇吓發覺唔對路，叫佢哋返公司傾，真係唔使開工都返嚟。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
美儀於1992年以模特兒身分出道，至今30年時間，她對未來是否定下目標？還記得早年她在訪問中講過想離開娛樂圈。美儀說：「疫情之後，發覺自己除咗演戲，仲有咩識做？冇呀！哈哈，不如畀心機拍戲。呢兩年疫情令人有啲啟發、感受，有啲嘢唔係必然，垂手可得嘅嘢可以一瞬間就冇咗，諗住成日見嘅朋友，因為限聚令而見唔到，有個朋友3年冇見...呢3年我做過咩？呢3年嘅得著係學識珍惜，珍惜手上所有嘅嘢，珍惜每一場戲演出。（唔會再諗唔撈？）而家好enjoy我嘅工作，但你enjoy同人哋想唔想睇你係兩回事。希望觀眾會想睇多啲我演出，咁我咪繼續做囉！」
服裝：MARELLA
髮型：Ivan Lee @ Headquarters
攝影：黃敬博
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】