下流上車族｜關曜儁疫市擲六位數第三度開健身室 三十而立背負養家責任兼顧演員夢

無綫台慶劇《下流上車族》現正播出，劇中關曜儁（Leo）飾演鄧智堅的兒子、林穎彤的老公，三個「哈比族」成員都非常「度縮」，常常搵林敏驄及江美儀一家著數，笑料百出。而Leo演的「關偉力」一角在大學畢業後一直失業，為了上公屋而唔返工，及後經林敏驄介紹，入職超級市場做臨時理貨員。今次角色是「廢青」一名，但現實中的Leo卻是非常勤力，除了做演員之外，更有兼任健身教練。最近是Leo第三次創業，他接受《晴報》訪問，分享第三次創業做老闆的經歷，更自爆曾經有離開TVB的打算。

{{hket:ul-video id="6868"}}{{/hket:ul-video}}

{{hket:inline-image name="652.jpeg"}}{{/hket:inline-image}}

Leo在2019年9月與友人開了第一間健身室，不過因疫情關係，無奈在2020年8月結業；及至該年9月，他與友人再開了另一間健身室重新出發。兩年後，即是2022年8月，Leo決定自立門戶，投資六位數字開一間屬於自己的健身室。提及第三次今次創業，Leo表示是破釜沉舟的經驗，「第一次創業我哋欠落好多學生堂數，呢個健身行業係學生一買就買咗三十堂，個陣未上晒第一間就結業，逼於無奈下就要開第二間還堂，當時流失咗好多學生。當時我同佢哋承諾，我會用兩年，畀大家一個更舒適嘅運動體驗，最後就有我第三間嘅健身室。」

{{hket:inline-image name="13545.jpeg"}}{{/hket:inline-image}}

除了是對學生的承諾外，其實Leo再創業都是為了支持自己的演員夢，以及養家。入行7年、快要30歲的Leo深知做演員收入唔穩定，「就嚟三十歲，成日畀『三十而立』框住，就覺得要養家，要主動出擊，創業去支持演員夢。」他更自爆曾經有離開TVB的打算，「因為拍嘢時間好長，呢邊個團隊又唔係好大，乜都要親力親為，壓力好大…學生畀咗錢係要想得到佢哋嘅成效，但拍嘢又無得推…所以人際關係好緊要，要成日呢邊唔該、嗰邊唔該，寧願自己辛苦，瞓少啲。」

不過皇天不負有心人，Leo雖然只是入行7年，但近年來機會不斷，幾乎每套劇都有不少發揮空間，更有份在《流行都市》教做運動，令他的IG粉絲人數急升：「《流行都市》多咗好多人認得自己，個期好好彩，《流行都市》同《童時愛上你》同時出街，前者拍咗半年，大家都話好鍾意我教運動，IG粉絲人數都有上升，多咗好多想做運動嘅朋友。」

{{hket:inline-image name="3.jpeg"}}{{/hket:inline-image}}

{{hket:inline-image name="2354.jpeg"}}{{/hket:inline-image}}

而在現正播出的《下流上車族》中，Leo與「爸爸」鄧智堅及「老婆」林穎彤非常有火花，笑料百出。Leo表示自己今次在劇中戲份甚多，更是第一次有感情線。「呢個組合好搞笑，三個『哈比族』差唔多高，有好得意嘅化學反應，監製都話我哋一齊好嘈，但好搞笑、好鍾意你哋！」

《拳王》｜關曜儁最愛新屋望無敵大海景 將500呎花園打造成健身小天地【下一頁】

撰文：林惠珊

攝影：何家賢