日前慶祝33歲生日的陳瀅，今日以性感吊帶短裙現身宣傳主演的無綫熱播劇《美麗戰場》，非常搏命。對於劇集上周最高收視僅得20.7點，她相信《美》劇早已儲落一班劇迷，不擔心迎戰昨晚首播的ViuTV劇集《季前賽》。陳瀅更稱：「我都有睇《季前賽》，成班演員都青春，個個都好Cute。」果然夠大方。
同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺
《美麗戰場》將於本周五大結局，今日是劇集最後一次宣傳活動，一眾演員包括陳瀅、方力申(小方)、劉佩玥（Moon）、蔣家旻、陳山聰、監製兼編劇葉念琛等齊齊現身谷劇。一身「戰鬥格」的陳瀅與張馳豪（Aska）更即場獻聲，演繹插曲《沒法等你》，獻唱後的陳瀅自稱失禮了，揚言唱歌只是「期間限定」，日後應該沒機會再與Aska合唱。葉念琛取笑陳瀅可參加《中年好聲音》，她則笑指從來無想過當歌手。
雖然《美》劇成為網上熱話，但上周最高收視僅得20.7點，陳瀅表示︰「套劇都儲咗堆粉絲，依家睇劇都會兩邊睇，我都有睇《季前賽》，成班男演員好青春。（鍾意姜濤定呂爵安？）我未清楚晒啲角色，但個個都幾cute，好似肥仔（梁業）。」對於收視不及八點半檔的《下流上車族》，小方則指九點半檔有約20點收視，已相當不錯。
此外，Moon指劇集播出後獲得不少外快機會︰「阿Bob問我有無幾首飲歌，希望我哋可以組CP（情侶檔）一齊登台。」問到可會找緋聞男友周志文一起練歌？Moon指會找何雁詩及JW等練習，更乘機投訴︰「佢連我演出都好少睇啦！」另外，「反骨琪」蔣家旻被問到結局下場大賣關子︰「劇中我去咗台灣未死嘅，睇吓網民反應，其實我有拍一場戲之後播，唔知葉念琛放喺邊集。有傳我殺晒全部人，呢個真係勁有創意。」
撰文：梁紹明