下流上車族丨林景程演不孝子要狗唔要阿媽 聽到對手係鮑起靜：冇對白都做

劇集《下流上車族》中，鮑起靜飾演的Emma婆婆雖然經常投訴，搞到人見人憎，不過她背後被兒子離棄的故事，卻令人動容。Emma婆婆囝囝家寶（林景程飾）跟日本籍太太結婚後，連同下一代一家三口移民到日本，遺下Emma婆婆一人。Emma婆婆雖然好想同囝囝、孫仔一齊生活，但無奈跟家嫂雞同鴨講，相處一般，所以她心裡面不想離港，但又怕孤單，就算肯去日本，但都怕自己難以適應。

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

下流上車族丨鮑起靜影后級獨腳戲令人動容 撞正移民潮反映出港人心聲【下一頁】

{{hket:inline-image name="bao11.jpg"}}{{/hket:inline-image}}

{{hket:inline-image name="king16.jpg"}}{{/hket:inline-image}}

家寶最後安排Emma婆婆入住老人院，最過分是他竟然要求Emma婆婆將愛犬次郎的晶片轉名，好讓他將愛犬帶去日本，陪伴囝囝，要狗都唔要阿媽，令Emma婆婆傷心不已。

林景程今次飾演家寶這個不孝子的角色，被不少觀眾鬧爆冇人性，景程接受《晴報》電話訪問，他表示跟鮑起靜合作，機會難逢，想都不想秒速答應演出：「開劇前，監製話鮑姐演我阿媽，我第一個反應就係，不停講咗好多次『做！做！做！冇對白都做！』因為我驚佢最後唔畀我做！拍攝前就好有壓力，始終未合作過，仲要係影后級嘅阿媽。功課都特別做多啲，差唔多每場都準備咗一啲後備方案，諗住一種演得唔好，就轉另一種。但開工第一日就知所有嘢都係自己諗多咗，同鮑姐開工根本一啲壓力都冇，又請食嘢、又講笑傾閒偈，令到拍攝現場都唔覺得有壓力。」

美麗戰場丨林景程演廣告Sales躁狂又鹹濕 與陳山聰對戲：外型氣勢都輸【下一頁】

{{hket:inline-image name="king10.jpg"}}{{/hket:inline-image}}

{{hket:inline-image name="king12.jpg"}}{{/hket:inline-image}}

{{hket:inline-image name="312059412_178696161375940_5870509676789233519_n.jpg"}}{{/hket:inline-image}}

林景程形容現場睇鮑姐演戲，簡直是嘆為觀止，這一刻跟工作人員講笑，下一秒她雙眼就湧出眼淚來，「好多時現場都被佢嘅戲拉咗入去，有幾次望住佢演，望到我想喊咁滯，但我又唔喊得喎，因為場戲需要我好嬲咁鬧佢。佢真係迫埋我啲戲出嚟，好多場都係感受住佢演，自己好自然就演咗出嚟。」

{{hket:inline-image name="king13.jpg"}}{{/hket:inline-image}}

{{hket:inline-image name="10.jpg"}}{{/hket:inline-image}}

劇中，家寶成為「婆媳糾紛」之中的夾心人，剛成為人夫的景程現實生活會否都面對同一問題呢？景程笑言：「好彩冇呢啲婆媳問題，老婆同家人相處得好好。不過，我都有幻想過，如果第日我有個仔好似家寶咁對我，我都唔知點算。所以而家成日提自己要趁後生儲多個錢，第日仔女忤逆都起碼有依靠......不過好似諗得太遠。」

鮑姐受訪時大讚「阿仔」演得出色：「好多感情戲都係同佢做，同佢合作好舒服，同埋佢現實仲要係物理治療師，仲教咗我好多呢方面知識，我個仔真係好叻！」

{{hket:inline-image name="251593456_3055047251414657_1290123203203448953_n.jpg"}}{{/hket:inline-image}}

{{hket:inline-image name="312661716_542958647835638_5661354860133768811_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉