下流上車族︳江美儀母女爭吵戲勁催淚獲讚 幫郭柏妍入戲：佢學得好快

由林敏驄、江美儀、郭柏妍及羅毓儀等合演的無綫台慶劇《下流上車族》，主線講車氏一家四人為買樓而作出不同搵錢行徑，不少劇迷大讚題材貼地。昨晚（27日）第9集最精彩一幕是江美儀、郭柏妍的母女爭吵戲；大女埋藏多年的不滿終於爆發，力數媽媽偏心妹妹，母親眼濕濕兼愧疚向囡囡講對不起...江美儀催淚演技令觀眾喊住食晚飯。

{{hket:inline-image name="24.jpg"}}{{/hket:inline-image}}

{{hket:inline-image name="19.jpg"}}{{/hket:inline-image}}

同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回

{{hket:ul-video id="6812"}}{{/hket:ul-video}}

昨晚劇情，母親雯慧（江美儀 飾）與細女蔓蔓（羅毓儀 飾）去大女芊芊（郭柏妍 飾）屋企借宿。原本氣氛正正常常，雯慧見芊芊洗頭後沒有弄乾，故用風筒幫她吹乾頭髮，可是女兒表現厭惡，她囉唆對方「自細就唔聽話」，芊芊瞬間崩潰，大爆︰「細個你冷待我，淨係幫阿妹吹頭！我呀...我凍到打噴嚏都冇人理㗎...媽咪不如你走啦，呢間屋我交租，呢間房係我㗎...算啦！我出廳瞓！」

為人母親的，恍然大悟，眼濕濕兼愧疚地稱：「對唔住芊芊...我冇諗過隨便講一句，你會咁嬲我...以為你一直唔我聽話，係你反叛，冇諗過你係想引我注意，想我錫你多啲...其實我好錫你㗎！」母女用眼淚說話，相擁場面勁感人。

下流上車族丨鮑起靜用日文向親家道歉搞喊觀眾 林景程一take過演技獲洗版狂讚【下一頁】

雯慧說出恨「上車」的原因，「兒時家貧，寄居阿姨屋企，好擠迫，好嘈，要全屋人入睡我先瞓到...我要瞓梳化，喺瞓廳...咁恨買樓？想第時留番畀你哋兩姊妹。願望係你兩姊妹叻過我，有樓有事業，唔使靠人，唔使睇人臉色！」

下流上車族丨江美儀笑斥對手林敏驄鹹濕 「佢對25歲以上嘅女人冇反應」【下一頁】

後生仔始終係後生仔，經驗始終爭啲。江美儀透露，拍攝前要誘導郭柏妍培養情緒，「阿女對喊呢樣嘢好陌生，我就同佢慢慢傾吓偈，再代入自己角色，講番我對劇情嘅睇法，佢聽聽吓對眼紅晒，開竅嘞！即刻喊到，學得好快。」

《2020香港小姐競選》季軍郭柏妍十分感激對方助她入戲，「美儀姐叫我放鬆啲，我本身講嘢好細聲，把聲唔入咪，好易收埋咗，有時情緒出唔到嚟...美儀姐教我一定要大聲啲講嘢，唔好收埋喺心裏面，連帶情緒發洩出嚟，好開心喺佢身上學到好多嘢。」

（↓點擊放大睇圖片↓）

觀眾睇完劇，食飽飯，化身網民，議論紛紛：「好感人」、「媽咪好明顯偏心細女，忽略咗大女需要。兩個女年紀差唔多，大女唔會誤會媽咪至奇」、「由江美儀講對唔住開始睇到眼濕濕，勁！同埋成日以為細女得15、16歲，原來18歲，演得太可愛啦」、「無論做大嘅做得幾好，永遠都係錫同讚最細」及「其實媽咪會偏心細嗰個」等。

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】