離世兩年︳林子博念亡妻籲大家欣賞眼前人 「我原來娶咗件筍嘢都唔知」

前無綫娛樂新聞主播林子博的太太董燕君（Shirley）離世兩年，已移民英國年多的子博，跟往年一樣在Facebook發文悼念亡妻，分享昔日一則小故事，激讚老婆有種東方美人的氣質，並提醒有另一半的人，幸福一早在身邊，不要視之為理想當然。

{{hket:inline-image name="800_a4e7c0df672b80ddff90ca52b8e9998c.jpg"}}{{/hket:inline-image}}

{{hket:inline-image name="311591129_10159224053318031_3249565595378502294_n.jpg"}}{{/hket:inline-image}}

同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回

{{hket:ul-video id="6812"}}{{/hket:ul-video}}

子博帶同女兒林詠渝、兒子林卓楠去年8月移民英國，至今年多時間，子女已習慣當地生活，見到詠渝課餘上舞蹈班，卓楠亦開心返學，一家搬到曼徹斯特城郊區一間兩層的獨立屋，屋後是一大片靚草地風景，生活舒適。日前子博在家中下廚，最搞笑在花園發現野生白菇，他開玩笑「可以加餸」，不少網友即溫馨提示小心有毒。

新居開箱│林子博帶子女移民英國一年搬竇 四房智能獨立屋否認越住越豪【下一頁】

慢慢適應英國生活，子博記掛亡妻Shirley，這日他在Facebook發文：「今日，係妳逝世嘅兩周年。講真，妳喺我身邊嘅時候，我一直都唔覺得妳係一個靚女，甚至我曾經喺妳面前同妳講過：『喂！你知唔知啲製作公司點解咁鍾意搵你拍廣告呀？係因為妳個樣呢...真係普通到冇得再普通！搵你拍廣告係最有說服力㗎！』當年睇住妳畀我呢番『似彈又似讚』嘅說話激到扎扎跳！我又真係有啲暗爽嘅！」

（↓點擊放大睇圖片↓）

子博發現Shirley的可愛，帶點後悔表示：「自從妳離世之後，當我得閒睇番妳啲相嗰陣，我先發現原來妳真係好靚！我原來娶咗件筍嘢都唔知！因為我而家先發現妳嘅靚，除咗嚟自五官之外，妳仲散發出一種矜持、賢淑、慈母嗰種東方美人嘅氣質！原來人真係咁鬼衰嗰喎！明明有件極品喺身邊，咁多年都留意唔到...咁奇怪嘅？所以有伴侶嘅，真係得閒叫另一半唔好郁，定落嚟畀自己睇真啲！用10分鐘時間互相對望清楚！最後你一定會發現，原來幸福一直喺自己身邊，只係自己一直將呢種幸福，變得理所當然...講真！老婆！妳真係堅索！越睇越靚！」

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】