Pet Pet星丨吳海昕佛堂領養貓貓「仔仔」 絕育後傷口發炎遇無良獸醫

吳海昕和好友蘇皓兒都是愛貓之人，早前在吳海昕的YouTube頻道，大談養貓經歷，原來她們在去年於九龍城一間佛堂內，領養了一對同胎貓兄弟，吳海昕的一隻叫仔仔，蘇皓兒的一隻叫皮皮，現時已經1歲半。另外，吳海昕亦收養了朋友的貓BB鼻鼻。

同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺

{{hket:ul-video id="6808"}}{{/hket:ul-video}}

{{hket:inline-image name="174319825_242911220856376_1806401934436955290_n.jpg"}}{{/hket:inline-image}}

{{hket:inline-image name="291900816_158782426721095_6971578605115327163_n.jpg"}}{{/hket:inline-image}}

在YouTube直播當日，由於在吳海昕家中進行，所以皮皮明顯很害怕陌生環境，不肯讓蘇皓兒抱抱。回想領養仔仔和皮皮，吳海昕說：「喺九龍城有一間佛堂，有隻貓大咗肚，當時我哋都未知佢會生幾多隻，但你（蘇皓兒）就引誘咗我。」蘇皓兒表示仔仔和皮皮只是出世第二日，眼睛還沒有開，「我哋上咗嗰間佛堂睇，抱住佢哋，覺得佢哋好得意，跟住我哋話我哋要冷靜，於是我哋落咗去樓下間Cafe，邊食邊討論邊睇相，但係佛堂個老闆就話『啲貓會好快畀人領養，你哋快啲決定話畀我知』。」後來，她們決定領養這對貓兄弟，間中會讓仔仔和皮皮相聚，吳海昕笑說：「因為佢哋好耐冇見，明顯佢哋已經唔知對方係親生兄弟。」

PetPet星︳文詠珊因拍戲結緣領養同劇狗仔 靠動物傳心師了解「囝囝」心態【下一頁】

至於養貓後，對自己生活有沒有改變？蘇皓兒表示：「好忙呀！如果朝早6點開工，我就要早好多時間起身，因為要清理貓屎，佢又可能整亂晒啲嘢，又要執。」吳海昕另一隻貓貓鼻鼻，平時十分百厭，她笑說：「最近先至推冧咗我部iMac，又鍾意飲水嘅時候，撥晒啲水出嚟，好似裘千尺咁吐啲乾糧出嚟，我唔知點解佢要咁做囉！」
原來吳海昕本身喜歡狗多過貓，最愛是牧羊犬，因為她覺得牧羊犬很聰明，然後可以教牠很多技巧，「奈何我屋企實在太細，你知我哋呢啲劏房戶，只可以養一啲靜態少少嘅動物，所以就養貓。」蘇皓兒說：「我鍾意貓多啲，可能我M底（被虐傾向），鍾意啲人唔理我，成日諗到底佢今日會唔會錫我呢，我喺梳化度睇YouTube，跟住佢就爬上嚟我嘅膊頭，so sweet，幾日就寵幸我一次。」

Pet Pet星丨陳柏宇重提當年被指要B唔要狗 「一隻被打死係咪好結果呢」【下一頁】

{{hket:inline-image name="243048544_452089919454907_2763480654036234387_n.jpg"}}{{/hket:inline-image}}

{{hket:inline-image name="2143546.JPG"}}{{/hket:inline-image}}

談到養貓時遇過最嚴重的事情，蘇皓兒表示最初領養皮皮時，發現牠有很多虱，「因為領養佢嘅地方比較隨性，可能啲人自出自入，始終唔係屋企。」吳海昕說：「因為佛堂係放養，而且又有10幾隻貓，真係顧唔到咁多，所以佛堂老闆話不如畀我哋悉心照料佢哋，有虱嘅時候，佢哋仲好細個，所以我可以用手捉虱。」講到為仔仔進行絕育手術後，由於傷口發炎，吳海昕立即帶仔仔去醫治，可惜遇到一個很差的獸醫，她說：「當時我第一次養貓，我send相畀養貓嘅朋友，佢哋問『點解會咁？』因為係血肉模糊，但獸醫話好正常，有傷口就一定會流血，好不負責，令到我即刻要去睇急症，因為好驚佢唔知會唔會傷口潰爛，自從佢做完手術之後就無心無力，本身佢好野蠻，絕育之後，佢經歷咗嗰次男人最痛，就變咗隻溫馴嘅貓。」

{{hket:inline-image name="325464587.JPG"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】