PET PET星丨甄采浠人棄我取領養四隻可愛貓咪 兩貓傷殘不棄養：多謝佢哋揀咗我

甄采浠（前名：甄詠珊）在《愛回家之開心速遞》中飾演列堤頓道街坊的高小姐，大受觀眾喜愛，特別是她跟外傭姐姐Liza的主僕情，睇得觀眾非常開心。私底下的采浠非常有愛心，家中養有四隻貓咪，她不時在社交平台分享她跟四隻貓咪的日常，其中兩個貓有殘障，但采浠仍然不離不棄，感動不少網友。

同場加映：金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

愛回家│高小姐Liza主僕齊患面盲症鬧笑話 甄詠珊Call埋父母客串演出【下一頁】

{{hket:inline-image name="e40f048e-e3dc-4da4-9ac5-c259655d5983.jpg"}}{{/hket:inline-image}}

{{hket:inline-image name="dc2e768b-0c6f-4b9d-b2d5-c8a469d4caec.jpg"}}{{/hket:inline-image}}

采浠養貓已經超過20年，小時候未識得領養，第一隻貓咪「華仔」在寵物店遇上，「一直儲幾年錢先買到貓咪，我本身諗住買扁鼻的異國短毛貓，但見到一隻大約2歲嘅摺耳貓咪被放喺寵物店最高，個籠只係大佢個身少少，店主話佢年紀大冇人要，冇位放就放佢上頂，我即刻二話不說將佢帶返屋企。」相處8年之後，華仔臨終前兩日陪伴采浠睡覺，再輕俏俏去廁所準備要離開大家，最終在采浠抱牠去醫院途中離世。

{{hket:inline-image name="f17080cb-48c5-4172-83d6-3aa34f9f1aa6.jpg"}}{{/hket:inline-image}}

「華仔」的離開雖然傷痛，但采浠繼續她的愛心，轉化去照顧其他同樣被忽視的貓咪們，現時四隻貓咪都是領養回來，首先是旺仔，「我網上睇到相，佢好瘦同成日發呆，我通常揀一啲人哋唔要嘅貓收養，我見其他貓玩得開心，但旺仔就企喺度發呆，我就想收養佢。佢好怕人，因為佢喺街被人傷害過，我都花好長時間令佢對我哋有信心。」後來義工表示旺仔在遺棄中心有一個好朋友，對方是一隻黑白色的貓咪，采浠聽畢又不忍心拆散一對好朋友，於是領養埋「牛奶」。另一隻是美國短毛貓「糖糖」，「糖糖」是退休媽咪，由於她生出來的貓咪BB不夠美，所以被人遺棄。而最近一次領養的是「阿餅」，「阿餅」是朋友在街上執到的貓BB，事隔幾個月才發現她是「侏儒」貓，就算現在已經5、6歲，仍然是幾個月大的身形。

采浠表示四隻貓咪性格各異，旺仔比較驚陌生人，只要不屬於家人的人出現，他就會躲起來，相反牛奶好鍾意出街，就算有圍欄都不斷找機會出街，但牛奶很乖，只會出現在家中50米範圍之內，懂得回家，附近鄰居都成為好朋友，經常都畀飯牛奶食。不過幾年前，牛奶出街後在家中完全不動，采浠才發現牠的腳受傷，「我唔想為慳兩次手術費而直接截斷佢隻腳，醫生既然話可以先切腳趾，諗住可以保得住隻腳，後來最終隻腳保唔住要切腳，雖然手術費負擔好重，大家收養佢就預咗照顧一生一世！」

集體回帶︳整容三嬌Freeze成功轉型 兩隊友成人妻40歲甄詠珊急求脫單【下一頁】

除了牛奶這隻三腳貓之外，采浠還要照顧單眼的阿餅，她早就發現阿餅的左眼怪怪，但好多獸醫都診斷牠沒有問題，直至去年出現問題，采浠說：「阿餅左眼突然損咗，帶佢睇醫生，以為佢曳打交，去咗一間西貢貓診所，醫生話冇乜事，叫我幫佢滴眼藥水，護士同我哋講兩隻眼都可以滴。過幾日左眼好番，但右眼又開始出現問題。後來疫情期間好困難先預約到全香港得一間貓眼科醫生，原來阿餅有天生乾眼症，年紀越大越難有眼淚水，由於兩隻眼程度不一樣，眼藥水應該分開用，而唔係護士咁講，一款藥水用晒兩隻眼。可惜已經太遲，心感安慰係好彩佢仲有一隻眼，起碼佢睇到路，不過就算佢盲咗都會照顧佢一世。」她表示幸好同貓咪建立一段非常親密的關係，牠們不同的叫聲就能分辨牠們的需要，萬一有任何異樣，代表牠們身體出現問題，要立刻照顧。

{{hket:inline-image name="137301871_158816089054461_5791203645057031729_n.jpg"}}{{/hket:inline-image}}

{{hket:inline-image name="b67224b7-b030-4ee7-b546-0cc4d1de1a52.jpg"}}{{/hket:inline-image}}

{{hket:inline-image name="70c57f97-953d-42a1-b9bb-d60b65e369d8.jpg"}}{{/hket:inline-image}}

{{hket:inline-image name="d7706b1b-2a28-4d30-a8b3-39463e2e1b6e.jpg"}}{{/hket:inline-image}}

采浠表示自己對四隻腳都一視同仁，沒有偏心，她說：「養貓，唔係你揀佢，其實係佢揀你，正如我一直都好想收養三色貓，好似鍾無艷咁樣，但遇唔到，我覺得係緣份，慶幸我啲貓都好健康，糖糖16歲食得、玩得、瞓得，旺仔都14歲，牛奶成為三腳貓之後變得好乖，只係可以錫佢，阿餅知道我哋好錫佢，又為佢好傷心，佢都好乖，每日同我一齊瞓，做啲好可愛舉動令我地好開心，多謝佢哋揀咗我！」她表示雖然能力上只能照顧四隻貓咪，但她平日都有做義工，為被遺棄的貓咪找主人，希望可以為牠們找到合適的安樂窩。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉