譚杏藍（小花）是一個愛貓之人，2016年養了一對母女貓貓Biiru和Soju，這段快樂時光令她感到十分幸福；可惜在2020年，Soju因癌病逝，小花表示Soju在頭七的一天曾回到家中，「我見到骨灰盅旁邊有團白色毛。」
同場加映：360秒人生課堂丨林盛斌高EQ全靠人生經歷累積 豁達面對負評意外為仔女「打底」
小花日前接受《晴報》電話訪問，她指自己由細到大都很想養貓，奈何家人不准許；直至她長大後，就決定先斬後奏，領養貓貓回家，她說：「有一日，朋友話我知有貓貓可以領養，過兩日我去睇，嗰度係一幢唐樓，表面上係一間補習社，有小朋友喺度補習，而入面有間房仔，當時我未係好理解繁殖場係咩嚟，因為我未養過寵物，只係見到嗰度嘅衛生環境好差。聽嗰度啲人話有隻貓本身佢朋友養兩年，但因為有咗BB，於是將隻貓拎番去繁殖場，而且啲貓冇絕育，好似等佢哋自生自滅咁，我二話不說就拎咗嗰隻貓返屋企，我希望救得一隻得一隻。」當時是新手的小花，要即刻惡補養貓的知識。
譚杏藍參加斷食營7日勁減11磅 1日狂屙10次排毒靠檸檬鹽水【下一頁】
小花將貓女取名為Biiru（日本啤酒意思），Biiru回家的個幾月，很快適應了新環境，但有一日見到Biiru的肚大到掂地，小花立即帶Biiru看獸醫，發現Biiru已懷有4隻貓貓，小花說：「獸醫話Biiru身體非常虛弱，生BB嘅時候有機會頂唔順走，所以要決定生定唔生，當時Biiru望住我，『咪』咗一聲，我感應到佢要生。」
小花譚杏藍自爆每月被性侵至少1次 「有個硬物喺我pat pat不停衝撞」【下一頁】
Biiru是小花第一隻養的貓貓，幸好當時有義工姐姐幫手接生，Biiru生了4隻小貓貓，分別取名為Rum、 Vodka、Sake和Soju，小花笑說：「因為我都好杯中物，所以將佢哋改咗做酒名。」不幸，Rum、 Vodka、Sake因為先天性心肌梗塞而離開，只剩下Soju，小花續說：「Soju呼吸好奇怪，所以佢喺出世頭兩個月都要瞓氧氣箱，情況慢慢好轉先帶番屋企。」
Pet Pet星丨Jeremy無懼貓毛過敏堅持領養 試過腫到豬頭要睇醫生【下一頁】
Soju一直很健康，但有一次Soju連續數天嘔吐，獸醫為Soju驗血，發現牠肝指數過高，姑娘每天到家中為Soju注射皮下水。到了第4天，姑娘發現Soju的肉球由粉紅色變為黃色，於是立即帶去看獸醫，「轉去睇專科，發現Soju有Cancer，腫瘤壓住膽管，令到膽汁排唔到，後來化驗咗係惡性。」小花立即全面停工，陪伴住Soju最後的日子。在2020年4月，Soju離開了，小花說：「喺Soju頭七嗰日，我見到喺佢嘅骨灰盅旁邊有團白色毛，Biiru都唔係全白色，咁梗係Soju返過嚟。」
Pet Pet星丨艾威領養愛犬Sashimi惹人喜愛 永不棄養：你會唔會掟仔女出街？【下一頁】
養了Biiru和Soju後，改變了小花很多，她說：「對我身體有好大改變，本身我對貓有皮膚敏感同氣管敏感，但係慢慢就適應咗，同埋同屋企人嘅話題都多咗。」小花呼籲大家不要在繁殖場買動物，更希望大家不要麻木追求品種。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】