入行25年｜袁偉豪反思自己是否不適合做藝人 「有時可能唔夠瞓啲EQ就會低啲」

今年入行25年的袁偉豪，向來多愁善感，日前於港台節目《安哥同學會》上又再有感而發，稱深知工作得來不易，一直認真對待，但有時都會出現一連串問號，思考是否適合在娛樂圈發展。他說：「其實唔止對工作，對自己人生都必需認真。我有時都覺得呢種咁認真嘅態度，嗯...似乎唔係好適合喺呢個圈子發展...」

{{hket:inline-image name="271930085_1286223518544152_8033796421852538418_n.jpg"}}{{/hket:inline-image}}

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

袁偉豪稱一直希望在幕前演出上、幕後製作上、人際關係方面做到最好，「有時可能唔夠瞓啦，啲EQ就會低啲，導致言行上比較率直...嗱，我本身唔係太識用花言巧語去表達自己，或者用花言巧語同人哋交流。我只係想直接表達件事，唔好轉彎抹角，可能咁導致近年觀眾、網民對我印象唔係太好。」

{{hket:inline-image name="yuen.png"}}{{/hket:inline-image}}

對於外間的聲音，袁偉豪︰「我係藝人，好多事情係身不由己㗎！我要同好多單位合作，先成就到觀眾、網民、讀者睇到嘅娛樂新聞。我唔係話刻意去製造新聞，而係工作上各有所需，佢有佢寫，我有我自己，事情係真定係假呢？大家都唔知係咪嗰回事...我偶爾都會好氣餒。」

他特別提到在2年前與張寶兒結婚後，不被認同，周遭亦出現閒言閒語。「我好辛苦工作，亦都喺自己人生上選擇，搵到個我適合嘅人去建立家庭，可以喺心靈上搵到我嘅依靠...但係好似呢兩年，自從我結婚之後，多咗好多閒言閒語，我都覺得有啲灰心。」

主持人陳圖安為他打氣，做好自己，皆因閒言閒言不能避免，而「雜音」總有過去的一日，袁偉豪不認同，「而家互聯網發展咁快，同埋每日嘅資訊、報道都會存檔，入面好多事情都唔係真嘅...即係咁，可能潛在工作客戶想了解我多啲，會上網search我，嗰啲唔屬實嘅資料會留咗喺我嘅檔案入面。我好難去澄清所有嘢，呢方面會令我覺得唔係咁好囉！」

馮皓揚唔讀TVB藝訓班帖文辣㷫袁偉豪 不滿被「提及」：欠咗你哋班傳媒？【下一頁】

撰文：娛樂組

圖片來源：IG圖片