中旅社韓國首發團玩盡多個景點 賞楓遊歎美食

自從政府宣布入境檢疫改為「0+3」後，唔少港人都急不及待去旅行。黛安知道，香港中國旅行社組辦嘅「韓國首爾、雪嶽山、南怡島7天賞楓團」剛喺上周五凌晨出發，一行16人玩盡韓國多個景點。呢個團係新冠疫情以來，香港旅遊業界首發嘅韓國團，所以韓國觀光公社、大韓航空公司代表都喺香港機場舉行首發團儀式，熱烈歡迎團友到韓國觀光，仲向旅客贈送紀念品。

黛安聽聞今次行程好豐富，包括遊覽當地賞楓勝地如雪嶽山國立公園、南怡島等，北村韓屋村、南山公園等，仲會去韓國兩大人氣樂園，即愛寶樂園EVERLAND及樂天世界，同埋歎下地道韓國美食等。香港中旅社都話會密切留意市場動態，把握先機推出各個精心策劃嘅熱門海外旅遊目的地路綫，遍及韓、日、台、東南亞、澳洲、加拿大、英國、土耳其等，仲會推出報名優惠㖭。