領展「屯門山海節」升級回歸 「3+2」山海路綫 深度認識屯門

每逢放假，黛安都鍾意出去呼吸下新鮮空氣，屯門附近有好多個自然生態及文化景點，區內嘅「世界級」打卡景點亦鄰近領展嘅良景廣場、蝴蝶廣場、富泰商場及三聖商場，一向都係行山及單車人士熱愛嘅出遊點。

黛安知道，領展今年會再辦「屯門山海節」，即日起至11月30日，以「山海日常」為主題，推出3條打卡必到嘅行山路綫，及2條簡易單車文化遊路綫，各條路綫貫通屯門多個歷史文化景點，鼓勵大眾將「山海」自然融入「日常」生活。

今次升級回歸嘅「屯門山海節」，仲會與本地古典手工單車品牌舊日子博物館Common Sense合作，喺3條行山路綫上，特別新設計2條輕騎山海系路綫「古樸鄉村輕騎行」及「日落漁村輕騎行」，同時特設由專人帶領導賞嘅「山海綫」復古單車輕騎體驗團，畀大眾深度認識屯門。

除咗「3+2」山海路綫，佢哋仲會聯乘超過10個品牌推出唔同主題活動，包括日系單車租借、「單車咖啡裝置」工作坊、單車流動市集、山系市集及限定山系裝備換領等。活動詳情可【按此】瀏覽相關資訊。