男子組合ERROR成員193（郭嘉駿）從小熱愛時裝，視陳冠希為偶像。早前，193受邀出席陳冠希自家品牌的秋冬系列活動，他當然把握機會，跟對方合照，還將相片上載至IG，193留言：「一起出走感覺多好，He has inspired me a lot in my life.（他在我的人生中給了我很多啟發）」。網民的焦點放在陳冠希的高度上。由於193太高，聲稱有178cm高的陳冠希企在木箱上與他合照。
同場加映：Summer Girls丨張明偉陳思圻靠自己無悔離巢無綫 節目撼港姐：良性競爭先有火花
193日前接受《晴報》訪問，憶述當年為「潮男」陳冠希而瘋狂，「我好細個鍾意時裝，大約係陳冠希、余文樂年代，當時我讀緊中學，嗰陣時好興街頭嘢，着到好oversize...陳冠希、余文樂着乜嘢，我咪照跟。仲記得陳冠希着過任何嘢都會炒到超貴，嗰陣我冇錢買，要去做part time，儲錢先買到一對拖鞋。陳冠希着過嗰啲款，靚少少嘅拖鞋，喺嗰個年代炒到3、4千蚊一對！仲有爛嘅牛仔褲炒到過萬蚊一條，總之陳冠希著咩就跟啦！」
193郭嘉駿@ERROR品評隊友肥腩蘿蔔腳冇貴氣 網民熱切期待：請改造花姐【下一頁】
由那時開始，193認識到各個時裝品牌，從陳冠希、余文樂等當紅藝人身上發現，他們情迷日本裏原宿街頭文化，他說：「我留意咗好多日本品牌，街頭嘅多數graphic print，一件T恤，簡單易襯。」
直至在英國留學，生活太悶，他經常網上購物，或者乘搭火車到倫敦行街買衫，「英國啲嘢平過香港，而且退埋稅係更加平，有啲日本牌子喺英國買，仲平過喺日本、香港買，因為英國人唔係好識，所以減價減到好平。我買過一對鞋，陳冠希當年都有着，香港炒價係3千蚊，但英國係減到6、7百蚊一對，嗰陣我買咗好多對，然後攞去香港炒添！自己都有着，到而家都唔捨得掟。喺英國買咗好多嘢，慢慢熟識咗歐洲、英國、意大利、巴黎嘅品牌。鍾意咗，自然買得多，接觸得多，睇得多model點樣着，自己就愛上時裝呢樣嘢，決心返香港搵一份有關時裝嘅工作。」在英國修讀心理學榮譽學士課程的193在參加《全民造星》前，曾任職時裝公司採購員。
Auntie妳好丨193大談藝人形象不能自主 感激古天樂喺背後默默支持後輩【下一頁】
在ERROR成立初期，193負責替隊友挑選、配襯服飾，他笑言肥仔（梁業）是最難搞的一個，「佢比較肥，肚腩大，橫啲...我唔可以為肥仔度身訂造一件fit到佢衫。香港嘅借衫制度，多數都係借得一個size，好多時肥仔係着唔落，或者着得落，但唔會同佢改褲長或者衫長，所以喺造型上，肥仔係難少少。」193表示很想邀請肥仔參與其主持的新節目《造型師比賽》（暫名），擔任終極大魔王。
此外有報道，樂隊太極成員鄧建明（Joey Tang）受訪時無意中透露ERROR將於年底開騷，他稱12月要到澳洲出席兒子的大學畢業禮，未能參與ERROR演唱會，不過消息仍要待有關單位公布。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】