男子組合ERROR成員郭嘉駿（193）早前透露，與3位股東投資7位數字，在紅磡區開設一間Cafe，希望大家可以品嚐美味的精品咖啡和打卡，原定Cafe在2月尾開張營業；可惜受疫情影響，不少中港司機確診而影響運輸，193表示貨來不了香港，故大約開業日期仍未有定案，他呼喊：「每分鐘都係錢！」
同場加映︰《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向
193和肥仔（梁業）昨晚以視像形式，接受ViuTV節目《今日疫情》訪問，193指自己身處於Cafe舖頭中，「本身預計2月尾開，點知因為疫情，有啲工程我已經盡量搵香港師傅做，但有啲嘢迫於無奈香港冇得做，要喺內地訂，然後中港司機又中招，搞到運唔到落嚟，到而家啲貨去咗邊？仲未check到！所以呢度冇裝修，乜都冇！」
ERROR成員丨193郭嘉駿被師妹COLLAR搶先出新歌嬲豬 2月底開Cafe：直接講呃你哋錢【下一頁】
整間Cafe只有牆身整好，「其他乜都未整好，delay勁多，每分鐘都係錢嚟㗎嘛！本身我係億萬富翁，而家搞到我好窮。」193續說：「喺香港DIY整到嘅嘢，建築工人已經做晒，要裝嘅都裝晒。真係因為有啲材料運唔到嚟香港，而且真係有建築工人之前中咗招，所以佢哋停咗工一排，搞到delay好多。」肥仔提議可找保錡幫手，193表示：「冇用呀！而家係冇料，唔係唔夠人，枱凳都運唔到落嚟。」
193擔心花無百日紅影響收入 爆ERROR年尾將開拍新節目【下一頁】
此外，MIRROR成員「教主」盧瀚霆（Anson Lo）的fans club「盧瀚霆國際後援會」前日在IG出阽發文，「新型冠狀病毒疫情之嚴峻，MIRROR早前亦成為抗疫大使，呼籲大家齊心對抗新型冠狀病毒。作為教主的神徒們當然立刻響應，經過一輪溝通、協調和各界的協助，現宣布以盧瀚霆國際後援會名義，捐贈合共8,000套新型冠狀病毒快速抗原測試套裝予三間慈善機構，以減輕和紓緩長者、弱勢社群以及基層人士在疫情下的經濟壓力和生活負擔。」這三間機構分別是照顧低收入家庭的「庭恩兒童中心」、「無家者同行」和「伸手助人協會」。Anson Lo在IG限時動態亦有轉載及留言：「希望幫助到更多有需要的人，謝謝神徒的用心。」
Anson Lo盧瀚霆愛心爆棚感染神徒 應援會集資60萬捐助流浪毛孩【下一頁】
而其他神徒群組「Ansonlo Giant」以「Mr. Stranger@Anson Lo」名義，向「惜食堂」、「銀杏館」、「同路舍」、「D30有飯開」，合共購買550份愛心膳食，希望長者、弱勢社群、兒童、獨居人士及有需要家庭得到溫飽，並且捐款到UNICEF聯合國兒童基金會的「烏克蘭戰事危機兒童企劃」。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】