現年32歲的「宇宙天團」ERROR成員郭嘉駿（193），193從小就有個夢想，就是成為甲一籃球員，但現實的殘酷，卻讓他打消這個念頭。曾任職時裝界的193，在2019年創立自己的時裝品牌，2月尾更會開Cafe，他笑言：「我要賺錢！」
同場加映：After Class聲夢四小花感情好零拗撬 與COLLAR風格各異望互相學習
商台節目《早霸王》今早播出193的錄音訪問，對於1月14日推出新歌《再次Puppy Love》，193笑說：「有啲失望，上唔到熱門第1位，因為同COLLAR撞咗（日子推出），佢哋永遠都係第1位，我得第2位咋！應該讓師兄，知我出歌，佢哋梗係延遲少少㗎啦，好唔respect師兄；我有同花姐（經理人）講『同佢哋撞期，好似唔係太好，不如就吓個期，求吓你啦！』，其實係就咗，本身佢哋14日出，點知佢哋早咗，咁賤都有喎，你唔遲幾日喎，等我上咗第1位，再打番我落去都好吖，而家冇機會上到。」
七福星丨ERROR保錡193承諾以後慎言公開致歉 八両金驚喜現身：似我有咩唔好【下一頁】
提到他邀請了林明禎擔任MV女主角，森美反問為何沒有親密鏡頭？193說：「本身度嘅時候，有加鍚，但係我偶像喎，之後我話不如唔好鍚，有啲身體接觸都OK，頭貼頭，攬吓，但點知，因為我返母校拍，我同校長借場，我學校就專注讀書，校長同我講『學校唔鼓勵談戀愛，你呢個MV已經有談戀愛，如果再有身體接觸，好似太過分喎，嘉駿。』」
ERROR成員｜郭嘉駿梁業32歲生日各自推solo歌 193「自肥」課金邀林明禎做MV女主角【下一頁】
提到193的身高，他指自己的夢想就是成為甲一籃球員，不過後來從外國讀書回港後，就打消了繼續打籃球的念頭，「讀完書返嚟之後，個人好現實，覺得打波都搵唔到食，不如正正經經搵份工。」未入行前，193曾任職時裝界，他在2019年創立自己的時裝品牌「LILABOC」，靈感來自電影《阿甘正傳》，品牌名意思是「Life is like a box of chocolates」，193還親自設計「火柴人」圖樣，先後推出不少產品，例如T恤、漁夫帽、口罩套、口罩、袋、月餅、衛衣、水杯、咕𠱸、新春利是封、揮春、啤牌等等。
193@ERROR寸寸貢網民盛怒鬧冇品 退款後公開客人頭像公審：燒畀你【下一頁】
原來193又有新計劃，他透露2月尾開設一間cafe，「真係飲咖啡，而唔係食意粉嗰啲，打卡加精品咖啡，都要賺錢㗎，開自己牌子都係為咗賺錢，係咁㗎啦；有啲人會講，想分享自己嘅理念，我唔講（呢啲），我直接講呃你哋錢，我就係要賺錢。」森美提議：「如果你整一個1比1嘅『火柴人』雕塑，我會過嚟影張相。」193說：「其實整一個真人比例嘅『火柴人』都要幾皮嘢，所以我唔會諗呢啲咁唔實際嘅嘢，我淨係諗呃錢。」
193@ERROR有感努力被抹殺 心理學家前崩潰嚎哭：好辛苦【下一頁】
在節目中，193被要求說出自己的一個秘密，193帶點尷尬，說：「我成日會喺人哋唔覺嘅時候，好想撩吓自己個鼻，成日都覺得個鼻好乾，唔知係咪啲鼻屎kick住，呢個真係好秘密。」原來193有鼻敏感，所以經常有這個感覺。他又說：「大家千祈唔好撩咁多，我發現我鼻窿有大細，我好介意，因為我係強迫症，照鏡見到一邊扁啲一邊圓啲，見到好唔舒服，正常一定係balance。」3位主持立即糾正193：「唔係㗎，所有嘢都唔係對稱㗎！」193說：「我而家舒服咗，可能唔係我撩鼻撩到咁。」
《晴報》聯絡過193，對於他再做老闆一事，193透露Cafe開在紅磡區的一個地舖，預計3月中之前可以開張營業。問到今次是否自資？他說：「有4個股東，我係其中一個，投資咗都有7位數字，因為我哋間舖都唔算細，除咗室內，仲有室外位置，我哋想顧客嚟到舒服啲，有室外位置可以抖吓氣，同埋裝修都想靚啲，所以用咗好多錢。」
193指一直都想開一間Cafe，但遲遲未實行，「好耐之前已經好想開Cafe，因為不嬲我自己都會去打卡，去飲精品咖啡，好鍾意去小店，但就一直都未有呢個決心、動力去開一間店，上年有一日同啲friend飲飲吓咖啡，『喂，不如真係行動，唔好再喺度齋噏！』然後大家一齊開會，準備搞呢間咖啡店。我哋呢4個股東，一個好鍾意飲咖啡，一個喺咖啡界比較有名氣、係評判之類嘅人，一個係負責管理，因為佢有餐廳經驗，而我就負責宣傳，大家唔同崗位去做呢間Cafe。」」對於受疫情影響，令市道低迷，問到是否平租？193續說：「其實呢間舖，我上年已經租咗，所以都冇話因為疫症而平咗租，當時我租嘅時候，仲係有晚市。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】