193＠ERROR與友人斥資200多萬元開Cafe 本周日開業：要呃「老婆」錢

男子組合ERROR成員郭嘉駿（193），最近與3位中學同學S.Ho、Adam及Ringo，合資200多萬，在紅磡區開設Tanuki Coffee，將於10日早上正式開業。193指3位股東各有所長，S.Ho是一位愛飲咖啡之人，Ringo是一位咖啡界的評判，而Adam則有管理餐廳經驗。在昨日的傳媒預展上，193要蒙面現身，他解釋所佩戴的是狸貓面具，目的是為了宣傳之用，還笑稱要化身「市民郭先生」。

{{hket:facebook-video id="1389917681436436"}}{{/hket:facebook-video}}

{{hket:inline-image name="277923680_1132091374000236_6722938021484583843_n.jpg"}}{{/hket:inline-image}}

{{hket:inline-image name="277939832_161997572928386_3299027104402340070_n.jpg"}}{{/hket:inline-image}}

店舖面積大約900呎，室內可容納約2、30人左右，月租約8萬元，裝修以白、黃色為主，更以黃色日本狸貓公仔作為吉祥物，193說：「裝修真係好貴，原本盡量都想搵本地嘅設計師、本土嘅物料，例如啲凳，係師傅將一塊一塊嘅瓷磚鋪上去，所以用咗好多時間，同埋好貴，我都後悔用咗（瓷磚），早知用水泥就算，仲有天花板，成個都要整過晒。」天花板還有數個黃色狸貓作裝飾，193說：「一個狸貓公仔嘅成本都要幾千蚊，如果有損毀，需要賠償19300元。」對於早前因運輸問題，令裝修物料延遲送到，以致開業日子要押後，問到當中損失了多少錢？他們表示在員工薪金和租金方面，已經蝕了約2、30萬元，希望預計一年內可回本。

193擔心花無百日紅影響收入 爆ERROR年尾將開拍新節目【下一頁】

193曾經揚言要呃老婆（193 Fans暱稱）錢，問他有甚麼呃錢策略？他說：「而家有限量T裇、袋、杯，呢批賣完，會Keep住出其他精品。呃錢嚟講，牛油果、蛋係最呃錢，成本係幾蚊，但係賣一嚿水，我哋就再Cheap啲，用洋蔥去代替，但我哋賣98蚊，其實都平咗㗎啦……本身諗住賣三位數字，但我仁慈少少，參考其他Cafe，佢哋求其整、求其嘅裝修，都收緊一嚿水嘅價錢，所以我哋收98蚊係唔貴，你嚟得都係坐番半個鐘至一個鐘。雖然想啲朋友仔10分鐘就走，希望大家可以維持10分鐘即走呢個概念。」而輕食方面，以經典Egg Drop，日式照燒牛肉Egg Drop、小龍蝦沙律Egg Drop作為三大主打，還有挪威Brunost芝士Croffle、英式鬆餅等等。

{{hket:inline-image name="IMG_5279.jpg"}}{{/hket:inline-image}}

{{hket:inline-image name="IMG_5283.jpg"}}{{/hket:inline-image}}

193受疫情影響咖啡店未能如期開業 「啲貨去咗邊都未check到」【下一頁】
193表示雖然識沖咖啡和整食物，但強調不會落場幫手，不過閒時都會在店舖出現，「我喺英國讀書嘅時候，因為比較窮，所以經常自己煮嘢食，沖咖啡都識，我有去學，有張國際證書。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】