海洋公園哈囉喂 太凶艙秦陵夠驚嚇

萬聖節將至，想體驗正宗恐怖氣氛，一年一渡海洋公園哈囉喂全園祭不能錯過。今年園區主打虛擬與現實嘅迷離交界，先是「潛逃太凶艙」打開多重宇宙大門，體驗來自不同維度嘅外星驚慓，用埋Adventure in Reality（AiR）設計嘅哈囉喂綫遊戲，可以喺手機隨時隨地被「哈囉園宇宙」嚇餐死。

想更加刺激，當然要加入「秦陵大逃脫」探險隊，喺錯綜複雜嘅古墓秘道逃生，順道仲可一探荒廢大宅中陰魂不散嘅「咒偶」，仲可穿越「惡靈廢墟」喺超市、地盤同後巷中用AiR靈探，遊走日常同超現實嘅恐怖交界。園方指，今屆「哈囉喂全園祭2022」聯乘AXA安盛，即日起至10月31日開放日間入場，並喺10月中起至31日就舉辦10日「日連夜驚嚇體驗」，組合景點門票連入場門票由$640起，本周五（23日）起就有得買啦。