北角匯喵咪主題NFT藝術館 6大立體打卡位

唔少人都係愛貓之人，黛安聽聞北角匯即日起至10月9日，將聯同本地科創社群CATCATION合作，設置全港首個以喵咪為主題嘅NFT《Cat.Art.Metaverse》藝術館。館內會有300幅由本地著名NFT藝術家Ching Lee創作；有可愛貓星人Wain，以多元造型遊歷香港及日本嘅限量版NFT喵畫，畀大家免費欣賞同選購收藏。

貓星人Wain更會跳到現實世界，化身6大立體打卡位，包括吸引不愛洗澡嘅Wain都忍唔住要幸福浸浴嘅「富士山下貓溫泉」同「貓島の旅」等。

黛安仲知道，可以畀貓咪安心宅度假嘅「Cat Fun House」，即日起至9月12日，會喺主藝術館內開放。場內嘅「忍者貓道場」同「喵次元彈珠館」主題空間，均可攝錄貓咪玩樂片段，並將其剪輯成15秒嘅NFT收藏品，畀參加者留下獨一無二嘅回憶。The Point會員憑3,000積分即可換領電子入場預留證一張，憑證加埋7日內以電子貨幣單一消費滿$100嘅單據，便可最多2人同時進入主題空間15分鐘，名額有限，先到先得。