I SWIM丨劇情暴走結局爛尾被鬧未感失望 Edan認「ViuTV吳卓羲」：盲撐盲_都唔好

ViuTV劇集《I SWIM》播放完畢後，仍然話題不斷，事關劇集播放第二周開始劇情大暴走，除了出現兩校學生打交之外，師生戀亦被網友形容為有點「多餘」，劇集尾聲出現「強者」章浩（陳毅燊飾）出現，但結局竟然沒有交代他跟黃亞樂（邱士縉飾）或李馬榮（呂爵安飾）的對戰，令觀眾完全摸不著頭腦。導演馮志強在結局播出後，在直播都有回應網友，稱會檢討並作出改善。

同場加映：童時愛上你丨高海寧曾劇接劇愧感人生零進步 勇敢做自己：不再為別人而活

{{hket:ul-video id="6212"}}{{/hket:ul-video}}

《I SWIM》劇本被指暴走親自解畫 Jeffrey想出黑圖但怕被還擊【下一頁】

{{hket:inline-image name="293958914_1686178995075138_1613747050233672048_n.jpg"}}{{/hket:inline-image}}

{{hket:inline-image name="294180462_1103922296998891_4164478463473598148_n.jpg"}}{{/hket:inline-image}}

作為《I SWIM》男主角之一的呂爵安（Edan）雖然正忙於準備明天開騷的MIRROR演唱會，連大結局都沒有時間收看，但他坦言看到網上有不少的評論，所以在深夜都發IG長文分享感受。Edan說：「有人問我，你會唔會好失望啊？真心嗰句，我自己真係冇嘅，反而好興幸自己有參與其中。拍攝嘅過程固然學到好多嘢，但原來一個作品出街，睇返整個作品，再睇返自己嘅表現，同觀眾嘅意見，係會再令自己學到更多嘢，令自己有所成長。而哩（呢）啲經驗，就係可以比（畀）你用喺之後嘅演出，之後嘅作品上。」

他坦言李馬榮這個角色跟他本人有點差距，起初都擔心演得不自然，亦憂慮大家不喜歡這個角色，「如果我因為驚就唔試，我就永遠都冇機會做其他類型嘅角色，大家就永遠都睇唔慣我做其他性格嘅角色。唔做，就唔會知自己有咩做得唔好，就唔會知自己有咩需要進步。可能有人今次睇唔慣，但經過今次之後，可能你就會睇得慣呢？可能今次做得未夠好，但經過今次之後，下次咪可以做好啲囉！所以，一定要做！」

Edan表示拍攝過程辛苦，但相信團隊比他們更加花盡心血和力量，對於大家的評論，他說：「其實有意見先會有進步，盲撐係唔好，但盲_亦都唔好，所以我哋係好歡迎啲客觀建設性嘅意見。唔怕老實講，我自己有時睇到啲負評都好confuse。話我唔緊要啊，講得啱嘅我會聽，然後盡力改。但有時我分唔到啲負評係因為本身唔鍾意我定點，搞到我都唔知take唔take好。不過都係嗰句，姐（即）係要再做好啲囉。」

I SWIM丨啟賢游贏冠中遭報復被指不合理 黃亞樂忍痛上陣獲讚Man爆【下一頁】

Edan雖然明白劇集四面受敵，但他仍然希望大家繼續支持本地創作，他說：「有討論其實真係一件好事，有人講好過冇人講。但我覺最緊要係大家要繼續支持香港嘅創作同製作（唔止係劇集啦）。大家_嘅同時，都要繼續大大力支持，咁件事先會越嚟越好，覺得有問題有唔好嘅就比（畀）意見，希望佢下次變好！」Edan搞笑形容李馬榮的角色是「ViuTV吳卓羲」，希望將來有更多不同面向的Edan出現。

另外，Edan同拍檔柳應廷（Jer）接受毛舜筠邀請到家作客，毛姐拍攝的YouTube影片下半集播出，兩兄弟不斷互Mean寸對方，Edan笑阿Jer不是偶像，阿Jer又踢爆Edan口臭，大放笑彈。而影片中最後才揭盅，原來三人合力下廚的食物是用來招呼古天樂，他們同枱享用毛姐的美食，十分高興。

{{hket:inline-image name="edan2.jpg"}}{{/hket:inline-image}}

{{hket:inline-image name="edan5.jpg"}}{{/hket:inline-image}}

{{hket:inline-image name="edan6.jpg"}}{{/hket:inline-image}}

{{hket:inline-image name="edan3.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉