李蘊與老公羅章冠及一對子女，現時定居廣州。日前，李蘊在IG上載抱住一隻黑色貓BB相，並留言：「救活了你，我很高興，希望呢十幾日會有奇蹟，有人願意收留你吧......如果無......你要出去自己執生啦~乖乖的龍女！」似乎有點狠心！
同場加映：七仙羽曾出手拯救尋死女藝人 無懼花無百日紅為港人帶來歡樂
帖文一出，不少網民留言，希望李蘊能夠繼續養，並苦口婆心勸她：「貓貓仲咁細，放番佢出去好大機會會冇命或者好危險，請你再考慮一下」、「貓仔慣咗畀你照顧，佢出到去未必自己生存到，或者有無啲義工機構可以收留佢呢？」、「其實佢現在仲係BB，如果係會放番佢出去自生自滅，不如一早就唔好救佢啦，佢現在走出去都未能夠獨立生活，死路一條。」
李蘊被質疑做檢測都要影相打卡 高EQ以7個字回應網民【下一頁】
不過大家可放心，李蘊找到貓舍收留貓BB，她昨晚在IG限時動態留言：「有間貓舍願意收留我小龍女呀！！好開心！！嗰個人好好......話會有好多貓同佢玩......同埋有機會畀好心人領養，多謝甄采浠每次緊急關頭你都好幫手，I Love You！」之後，李蘊再出帖發文，詳述找人領養的原因，「其實養貓嘅人都知道，由出世第一日開始冇貓媽媽餵奶，係幾難養大，我好多晚唔瞓覺餵奶，又全身起貓癬，我點會唔想佢有一個好歸宿？我同佢雖然係有緣，但每個人嘅家庭都有唔同問題，唔係話我自己想養貓我就可以自私養，都要睇吓其他屋企人嘅意見同身體狀況，好明顯我係自己養唔到我先至搵人要啦。我噚日出Post講嘅只係最壞情況，其實原本係諗住畀人寄養住先，等佢大少少就幫佢絕育再考慮放養，不過收到好多難聽嘅說話，確實唔太開心，有人話我打咗卡就算，有人話我想害死佢，唔緊要，大家都係關心隻貓，不過話個好消息畀你知，佢有人要啦，我今日會帶佢去睇醫生檢查身體，下星期會將佢交畀新主人，佢一定會好好的，多謝甄采浠落力幫我轉發。」
5年前嫁內地金融才俊｜李蘊被網民揶揄「不事生產」 霸氣反擊：自己搵錢自己使【下一頁】
《晴報》聯絡過李蘊，她透露在端午節當日，在家裏的花園發現３隻剛出世的貓BB，可惜其中兩隻已過身，貓媽媽亦不見，「剩番而家呢隻『小龍女』，我同媽咪一齊照顧住先，頭一個月，要2至3個鐘餵一次奶，半夜都要起身餵，好似湊人BB咁辛苦，既然佢生存到，我就要做好媽媽角色。其實一開頭我冇諗住要長養，等佢大少少，穩定咗，我就搵人領養『小龍女』，而且我搬嚟呢間屋企之前，已經決定咗唔會養任何寵物，因為我有屋企人唔鍾意寵物，同埋我個女對貓毛過敏，因為我之前帶過個女去貓Cafe，跟住佢隻眼就發炎，腫晒，流咗好多核突嘢出嚟，醫生話佢過敏，所以我唔敢被佢掂貓。」
已有20年養貓經驗的李蘊，高峰期曾同一時間養4隻貓，「其中一隻好長壽，養到佢19歲先過身。今次係緣份，同埋好好彩有甄詠珊介紹，佢幫我轉發，搵到合適嘅領養人，下個禮拜會送過去嗰邊，希望隻貓健康成長，今日（昨日）我帶『小龍女』睇醫生，醫生話佢好健康；不過我就感染到佢啲貓癬，我上網睇咗，原來當人嘅免疫力比貓更加弱嘅時候，而貓有呢個唔知病毒定細菌，佢就會感染畀人，但佢自己就唔會發出嚟，所以我有事佢冇事，我全身生晒10幾、20粒好痕嘅紅點，勁擔憂，嗰個禮拜都係我阿媽照顧『小龍女』，呢個禮拜我好番少少先敢再掂佢，以前喺香港養咁多年貓，都未試過咁。」對於收到難聽的說話，李蘊表示：「我覺得我今次盡咗我最大嘅責任，所以其他人講嘅嘢，雖然我都理解，不過都無愧於心。」最後，她希望『小龍女』在新地方成長，能夠健康快樂。
至於李蘊好友甄采浠（前名甄詠珊）亦有接受《晴報》電話訪問，她說：「本身喺香港，我哋都有幫貓義工手，佢去到廣州住，都繼續有做。李蘊好好，救咗呢隻貓BB，兩、三個鐘頭餵一次奶，日日如是，照顧得好好。我係睇住佢湊大隻貓BB到而家個幾月大。」對於李蘊備受評擊，甄采浠說：「網民講嘢冇責任，講乜都得，所以我叫佢（李蘊）唔好咁介懷人哋講乜，其實愛貓嘅人都知道，重點係養活隻貓，救到一隻得一隻。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】