袁文傑愛心暖男助救流浪動物 小貓摘除眼球依然可愛嗲嗲

無綫（TVB）藝人袁文傑係圈中出名嘅大暖男，而且仲對小動物非常有愛心，係完美男神嘅化身。早前佢同其他人一齊喺街上拯救咗一隻受傷小貓，仲支付咗部份手術費用，善行感動咗唔少網民。日前佢再拍片，post喺IG同大家更新小貓嘅康復進度，片中見到小貓狀態好理想，令人感到欣慰！

同場加映： 父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

袁文傑喺片中抱住小貓，一臉慈愛咁望住小貓，袁文傑留言：「跟進一下喺柴灣獲救的小貓狀況，經過第二次入院（逗留一個星期），完成手術後正式摘除左眼球，戴咗『燈罩』個多星期，由於小貓非常好動，傷口位曾經爆過少少線，但都冇乜大礙，照樣非常『擦得』，好動，遲啲會去打第一針……*感恩霞姐和Nancy支持部份手術住院費用。」

{{hket:inline-image name="11.jpg"}}{{/hket:inline-image}}

因為小貓仲好細個，所以仍然未知性別，片中見到小貓雖然冇咗一隻眼仔，但依然好靚豬，仲好精靈活潑，而且勁黐人，袁文傑抱起一陣已經舐佢隻手示好，非常嗲嗲。袁文傑話等小貓再打針之後就幫佢搵個好主人，臨尾仲不忘講句「救多啲流浪動物」，唔少人都送上祝福，希望小貓搵到好人家！

袁文傑非常愛貓，佢之前嘅愛貓「囝仔」於2019年去咗彩虹橋，後來同太太張潔蓮商量過後，決定接受好朋友贈送、同屬異國短毛貓的Saka仔，再次展開一段人貓情。袁文傑指Saka仔係一位好朋友好早之前已經想送畀佢，但嗰時囝仔唔係離開咗太耐，心情未ready。後來朋友再畀貓仔啲相我睇，覺得好得意，可能合眼緣，結果收養咗Saka。

袁文傑一直支持「領養不棄養」，接受朋友贈送，某程度也算是一種「領養」，「有啲朋友會選擇去流浪寵物中心領養，大家各有各方法，不過最重要係幫到動物。（建議領養前有甚麼注意？）首先要考慮清楚，係要好痛錫佢哋，又要做足家居防護措施，之前有隻貓就走出騎樓外位置，好彩佢識得行番入屋，所以提議養貓嘅人要裝貓網，除非屋企長期閂窗；仲有唔好唔理佢哋，就咁留喺屋企或用好細嘅籠困住，某程度上係一種虐待。」

圖片來源：Instagram