張致恒直播遭網民質問點養三個仔 「邊個話有錢先可以養咁多個？」

張致恒（Steven）同女友區燕雯（雯雯）於2019年結婚，今年第三度做老竇，繼3歲大仔天寶、2歲二仔天牧後，細仔天朗個多月前出世。Steven昨晚（14日）在IG直播，預告自己會同珠寶公司合作，並與網民互動分享湊仔經，卻有網民質問「點養三個仔？」Steven未有迴避問題，反寸該網民：「一定要有錢先養咁多個？邊個話有錢先可以養咁多個？」

{{hket:inline-image name="07151001.jpg"}}{{/hket:inline-image}}

{{hket:inline-image name="1024_cdd17be8ef0b4e37c17c7bc93a8396afsaasftp20200221.jpg"}}{{/hket:inline-image}}

同場加映：I SWIM丨吳海昕30歲視為人生幸運轉捩點 無悔選美：希望成績表唔好咁快停

{{hket:ul-video id="6119"}}{{/hket:ul-video}}

Steven昨晚在家中直播同網民互動，三個兒子皆有出鏡，唯獨是太太雯雯未有出鏡。畫面見到大仔天寶勁活躍，不時爬上老竇身上搞亂檔，多次掃跌鏡頭，Steven當場叫救命，勁搞笑。Steven自認小時候一樣百厭，「我細個都係咁樣，所以唔可以怪佢，我細個都好似咁樣黐咗線…3歲小朋友係好活躍，百厭都係遺傳，我已經變咗中年阿叔。（會唔會追多個女？）唔追嘞！生三個都係仔，仲追？驚我老婆個肚跌咗落嚟。（老婆唔出鏡？）佢唔會出鏡，要知道女人出鏡要三大原則，首先就係化妝，第二就髮型，第三就美顏，齊呢三樣嘢就可以出鏡。」同時預告會同一間珠寶公司合作，到時候會送出禮物，至於詳細情況，他叫大家記得留意其社交平台公布。

張致恒個半月大細仔健康欠佳 雯雯擔憂：飲親奶都嘔一大半【下一頁】

提到細仔早產兼健康欠佳，Steven抱住BB一同出鏡，講講現時情況，「佢身體好啲嘞！有陣時會嘔奶，飲完之後就嘔一堆出嚟。佢始終個零月大，仲要係早產咗，要好好照顧。（飲奶慢啲？）控制唔到佢飲慢啲。（習慣兩個哥哥叫聲？）係！幾嘈都唔會醒。（而家負責餵夜奶？）基本上都係我餵夜奶，因為我瞓喺BB嗰邊，夜晚佢一喊就我會醒，跟住即刻去沖奶。而家我多數朝早6、7點先瞓，唔想瞓瞓吓又醒，不如捱到朝頭早先瞓，佢飲完朝早嘅奶會瞓耐少少，咁我又可以瞓耐少少…湊小朋友係攰，係一種緣分，好多人點博都博唔到個小朋友出嚟，我就唔知點解走咗三件出嚟。小朋友係我哋嘅財富，要慢慢悉心湊大佢哋，有時好攰而小朋友唔聽話時候，真係好辛苦，個吓嘅火真係會湧上嚟！我忍耐力冇以前咁犀利，以前EQ勁可以頂到，湊小朋友之後就低好多；但要知道一樣嘢，唔可以令佢哋受傷，你唔可以因為好嬲而打佢，打到驚你為止。我試過幾次拎起隻手…都係算啦！唔打。」

（↓點擊放大睇圖片↓）

網民鍥而不捨，再問Steven是否會追多個女？他表示：「或者5年後，如果情況許可就追多個女，都係嗰句，同我老婆都驚再追多個仔出嚟就大鑊！成屋都係男人，陽氣過盛。（點解要等5年？）都要畀老婆休息吓，係咪呀？呢三年佢都好辛苦，生咗三個。（發達後可生多幾個？）生咁多個做咩？而家居住環境大啲？唔係呀，呢三年都係住同一樣嘅單位。（有錢養咁多個？）一定要有錢先養到咁多個？邊個話有錢先可以養咁多個？（一個未教好仲生三個？）咁都唔關你事㗎，係咪先？生三個係我嘅問題…（而做乜嘢工作賺錢？）乜嘢工都返吓，乜嘢都做吓。（好多人擔心你點養仔？）其實擔心啲咩？不如擔心我嗰啲人顧吓自己先，連自己都未顧掂，做咩理我啲嘢？我又唔係要你幫我湊，係咪先？」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】