張致恒趁大仔生日爆第三胎性別 缺溫馨全家福隻字不提迫遷事件

張致恒同老婆雯雯早前鬧離婚，不過事件爆出之後隔咗1日就有戲劇性發展，二人唔離婚不特止，雯雯仲懷有第三胎，都可以話係「大團圓」結局。

同場加映︰愛回家丨島大書蟲林浩文 羅永健 吳卓衡靠面油頭皮怪造型入屋 感恩有代表作：繼續追夢唔怕捱

{{hket:ul-video id="5574"}}{{/hket:ul-video}}

不過特別多事發生嘅佢哋又有其他困難，雯雯上月初提到現時租住嘅單位遭業主終止合約，令快將臨盆嘅佢大感無奈。雯雯久不久喺IG限時動態放負，提到「冇路行！」、「名副其實絕情」相信業主未有酌情處理。不過，雯雯提到嘅搬遷日子已到，但都唔見夫妻二人有再提及迫遷事件，未知問題係咪已經得到解決？

{{hket:inline-image name="1699497.jpg"}}{{/hket:inline-image}}

而日前張致恒於IG分享餵兩個仔食飯嘅照片，相中背景同佢哋過去分享嘅照片相似，似乎係繼續租住原有單位。張致恒今日再更新社交平台，Post咗為大仔慶生嘅相片，不過就未見全家福，張致恒留言︰「寶寶3歲生日啦！話咁快就3歲啦，希望三兄弟可以和睦相處，健健康康咁樣我就心滿意足！我愛你啊張天寶。」之前唔少網民問到第三胎性別，今次係張致恒第一次透露係囝囝！

雯雯同樣喺鬧離婚後都冇再Post全家福，都係上載一張差唔多視覺嘅仔仔相，留言︰「寶哥3歲生日，最緊要你開心，就乜都得！」

圖片來源︰Instagram

撰文︰黃蘊姿