張致恒體力透支錯過重要時刻 雯雯爆老公陪做產檢瞓着扯鼻鼾

張致恒（Steven）老婆區燕雯早前單方面爆出離婚宣言，點知第二日Steven同老婆又話講掂數，又再手牽手一起走，更戲劇性宣布一家四口變五口，已經懷有第三胎。因為之前嘅風風雨雨，二人嘅婚姻都不被睇好，甚至覺得佢哋能唔能夠畀到安穩生活小朋友都成問題。不過雯雯由始至終都力排眾議，我行我素，日前雯雯分享一件佢產檢時尷尬事，反映二人生活都過得不容易。

同場加映： 林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

雯雯日前喺IG STORY就講到自己做產檢嘅時間，老公Steven攰到瞓着：「最尷尬嘅一日，滿心歡喜去做產檢，可以見到踢踢（腹中胎兒），點知另一半瞓着咗，仲要扯鼻鼾。明嘅！大家都攰，辛苦晒！」其實雯雯自生第一胎之後，就做全職媽媽，而Steven就負責搵錢，要教養三條化骨龍，真係一啲都唔容易呀！

{{hket:inline-image name="273374354_365521125408124_7709183479954037464_n.jpg"}}{{/hket:inline-image}}

雯雯之前都有提到自己湊仔後老咗，湊兩個小朋友嘅心力，真係唔講得笑；而Steven睇相亦明顯見到佢蒼老咗唔少，兩邊出晒白頭髮之餘黑眼圈仲勁深，相比起大佢4年嘅拍檔Kenny，真係幾乎做到佢老竇！

不過相信二人一定可以咬緊牙關捱過，日前雯雯post出「踢踢」超聲波照，懶理大家對佢一家一面倒唔睇好，寄語腹中BB：「To：踢踢，你一定要爭氣，健健康康出嚟見兩個哥哥。就算沒有歡迎，沒有期待，沒有關心，沒有問候。我心裏依然係最想見到你嗰個。」對於再生只會增加家庭負擔，雯雯霸氣回應︰「窮唔代表冇資格生仔，上天送嘅禮物，一定有佢嘅原因，窮有窮養，最緊要小朋友開心。」

圖片來源：Instagram