一起走過︳張美璉為兩個女退出幕前搞生意 老公宋豪輝係王菲首齣電影導演

前亞視藝人張美璉當年是讀麗的訓練班而入行，未畢業就被麥當雄揀中，成為《十大奇案》其中一個單元女主角；她的老公宋豪輝就演而優則導，曾是無綫及麗的的藝人，後來去美國修讀電影，返港後曾執導《Beyond日記之莫欺少年窮》及《富貴黃金屋》等。張美璉同宋豪輝這日接受港台《一起走過》楊紹鴻、寶珮如訪問，分享昔日幕前一些往事，又講到為何退出幕前工作及他們的愛情故事等。

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

{{hket:inline-image name="03071003.png"}}{{/hket:inline-image}}

{{hket:inline-image name="03071001.jpg"}}{{/hket:inline-image}}

張美璉當年讀完書後曾任職秘書，可是工作太過苦悶，成日在公司瞌眼瞓，剛巧麗的招收訓練班，於是張爸爸幫她去報名，「我家姐係讀無綫第四期訓練班，每日成班同學返學之前就嚟我屋企排舞唱歌，黃杏秀、杜琪峯同潘嘉德成大班玩得好開心。我見到就好羨慕，因為日日返工就喺度瞌眼瞓，咁我爹哋就知道，因為屋企人做電影行業，識得人知道當時麗的招收訓練班，就叫我去啦，點知我仲喺度扭計，於是佢就幫我報名。（無考慮報無綫訓練班？）咁啱麗的嗰時招生，如果要等就要等到出年。」

一起走過︳楊玉梅爆劉松仁臨時加戲兜巴星 被徐二牛寸未夠班做女主角【下一頁】

宋豪輝打從中學時期很喜歡唱歌，曾參加不少歌唱比賽並獲得名次，眼見無綫訓練班招生於是放膽去試，去到面試要表演自不然駕輕就熟，上台唱歌便合格，畢業後簽了2年合約，獲得不少演出機會，曾參與《青春樂》、《歡樂今宵》、《朱門怨》及《永恆的春天》等，1975年約滿時跟隨鍾景輝拉隊過檔麗的，期間認識到太太，不過當時仍未拍拖。張美璉爆老公宋豪輝當年留長頭髮又愛穿喇叭輩，甚受身邊女性歡迎，而她因拍攝一場360度咀戲而有感覺，「《愛情故事》要去星馬泰拍外景，入面我就做馬來西亞導遊，佢就去玩同我結下情緣，當年錫戲全部都係就位，但我哋要喺個無人大球場拍真Kiss，仲要360度圍住轉。（拍得好開心？）嗰時未開始拍拖，我梗係好驚，拍完之後突然有啲感覺喎，其實好多人都知一個唔係秘密嘅秘密，就係我鍾意佢先，因為嗰時好多女仔鍾意佢，又有好多女藝員追佢，佢條腰又好柔啦，長頭髮、喇叭輩，好受女性歡迎，拍完之後佢就似是疑非同你傾偈，搞到你輕飄飄感覺。」雖然咀出愛意，但二人仍未展開關係，直至宋豪輝於1978年去美國三藩市讀電影，情人節時寄了一張卡給張美璉，之後她因為要去拉斯維加拍外景，心思思想試探對方反應，於是到三藩市見面，想不到宋豪輝在一間餐廳表白，兩人終於正式拍拖，而宋豪輝為了早日見到女友，將4年課程用3年時間讀完，唔放暑假搵學校讀書攞夠學分畢業。

一起走過︳吳毅將對唐麗球一見鍾情勁有Feel 憶拍三級片露股：做演員算得乜嘢【下一頁】

張美璉坦言入行最深刻是第一齣作品，訓練班未畢業就有演出機會，「麥當雄搵我拍《十大奇案》嘅《霧夜飛屍》，當時《十大奇案》喺麗的係幾轟動，將香港十件真實案件拍出嚟，我嗰齣係講日本女仔被人呃咗嚟香港，最後被人掟咗落街，當時拍得好辛苦，麥當雄一開工就唔使食飯、唔識瞓覺嘅人，但係都值得，出嚟效果好好。之後一路有拍劇集，直至麗的搞個三級節目《Hello夜歸人》，搵咗三位性感靚女加盧遠、黎小田、黃植森講啲比較大膽話題，係擺喺深夜播，點知唔夠一個禮拜就被電檢處Cut。之後公司好叻改過一班純情啲主持，講飲食、旅遊、時事嘅綜藝節目，有梁淑莊、我、陳毓娟，之前就有陳維英、周麗娟，咁就變成好健康節目《貓頭鷹時間》，可以講同而家電視見到嘅節目，我哋真係一個先鋒。」宋豪輝話當年感覺在麗的發展不順利，於是萌生做導演的想法，結果讀完書回港後，在電視及電影也當過導演，當年王菲第一齣電影《Beyond日記之莫欺少年窮》，就是他的作品之一，其他還有《我未成年》及《富貴黃金屋》等，至今仍想拍到一齣有代表性的作品。

（↓點擊圖片放大↓）

張美璉和老公宋豪輝於1983年結婚，婚後育有2名女兒，一家四口甚幸福，並已退出幕前轉做婚紗生意。至於為何退出幕前工作？張美璉說：「85年個女出世，我就諗住唔做幕前，要全職做個媽咪，所以退出咗娛樂圈。（如此大決心？）好似每個女仔有嘅夢想，想湊大仔女有個幸福家庭，同埋成日覺得再做會做人哋阿媽喎，唔得喎、我唔做嗰啲角色。其實諗多咗，見好多同事一唔做落去都好享受，唔同角色都好有滿足感。（沒有戲癮？）基本我性格係內向又好怕醜，好感恩電視台幾年嘅訓練，令我可以面對大庭廣眾，一直都有個掙扎，覺得自己唔係好適合，我都係唔想做，生女時就想改變一吓。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】