一起走過︳陳美齡讀女校為入行發奮讀書 遭同學絕交 獨自匿圖書館食烚蛋

現年66歲的陳美齡（Agnes）接受港台《一起走過》主持人楊紹鴻、寶珮如訪問，分享當年入行經歷，原來陳爸爸曾反對她入行做藝人，不想女兒荒廢學業，於是提出考試平均分達80分的條件，如果未能達標就要專心做學生；而入行後更遇上不開心事情，身邊朋友似乎不喜歡她當藝人，竟然寫信跟她絕交，幸好長大後一切已忘掉，大家仍能做朋友。

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

{{hket:inline-image name="03211001.jpg"}}{{/hket:inline-image}}

{{hket:inline-image name="03211002.jpg"}}{{/hket:inline-image}}

陳美齡早年就讀教會學校，跟隨所屬民歌協會去做義工唱歌，因此被人發掘而入行，「被人發掘去咗電視唱咗一次，然後有監製問我願唔願意錄一隻歌，就係《Circle Game》嗰首歌。（一舉成名？）係呀，好大件事，突然間啲人識我個名，喺學校出咗名，其實我細細粒好易匿埋，唔同人哋接觸，突然間出咗名真係好大衝擊。」陳美齡指當時是中四學生，電視台搵她簽約主持節目，由母親簽約的，而爸爸就反對入行，「因為我家姐（陳依齡）已經係演員，爸爸唔想我又入去藝能界，嗰時娛樂圈形象唔係幾好嘛，但係唔知點樣我就簽咗，我就有自己嘅節目，然之後邵氏搵我拍戲，第一部戲已經係主演。」

【令和大叔】陳美齡同日本首相菅義偉「有親」？ 第一代玉女歌手曾風靡港日【下一頁】

該齣電影名叫《年輕人》（1972年），是由已故大導演張徹執導，演員有姜大衞、狄龍及陳觀泰等，陳美齡表示：「戲入面我哋係做大學生，嗰時我放學先走去拍，但中學要3點幾先放學，由跑馬地坐巴士去天星碼頭，落車行去郵政局坐廠車去邵氏片場，成班大明星等個小朋友拍戲，嗰時未夠18歲，未成年仲要好早收工，記得係好攰、好攰，因為拍完戲又要去錄音，好多時錄到半夜…。（爸爸見無時間讀書有否阻止？）有，初入行時已講過，唔想我荒廢學業，話我平均分80分以上就繼續做，低過80分就唔好做，我係好想做，但從來未得過平均分80分，可能爸爸記錯咗，因為學書叻係我姊姊。於是鼓起勇氣應承咗爸爸。開始唱歌做戲之後，反而好畀心機讀書，最後都攞到平均分80分，雖然數學成日係60分左右，但係靠其他科目提高分數。」

（↓點擊圖片放大↓）

陳美齡爆當年入行後慘被一班朋友放棄，竟然寫信跟她絕交，「唔知原因，佢哋唔鍾意你入呢個圈。（日後仍有見面？）佢哋唔記得咗同我絕交，無提起。喺女校若果無人同你食飯傾偈，你係好尷尬、好慘，我又無喊，只係匿埋喺洗手間或者圖書館，午餐就帶烚蛋返去食，匿喺圖書館入面食，點知畀老師捉到，佢知道咗無人同我食飯，搵咗另一批女仔同我玩，係班入面成績最好、又大隻又靚嘅，仲教我點樣讀書。（讀書時期最好同學兼朋友？）而家仲有聯絡，有啲朋友去咗好遠，有個係退休高官，我哋以佢為榮嘅，其他就嫁到周圍都係，有去德國、加拿大。係好感激佢哋，真係幫助我好大，考會考時真係好驚，好在大步檻過。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】