一起走過︳楊玉梅爆劉松仁臨時加戲兜巴星 被徐二牛寸未夠班做女主角

現年56歲的楊玉梅是1990年三料亞姐季軍，同時兼得最上鏡小姐及完美體態獎，當年得獎後簽約亞視發展，並獲捧為花旦做主角。楊玉梅看似事業一帆風順，可是背後卻有不少辛酸，這日接受《一起走過》楊紹鴻、寶珮如訪問，就大爆首次當女主角時曾被武術指導徐二牛鬧「唔明點解可以搵你做女主角，紮個馬都唔識！」；再之後同劉松仁拍《碧血青天珍珠旗》時，毫無預兆下加插掌摑動作，拍攝該場戲之後走出錄影廠爆喊。

同場加映：曬ya馬拉moi丨 張慧儀為保護心臟病養子做長氣媽 Hanson性格太單純：唔鼓勵拍拖

{{hket:ul-video id="5312"}}{{/hket:ul-video}}

{{hket:inline-image name="WhatsApp143253.jpeg"}}{{/hket:inline-image}}

{{hket:inline-image name="02212002.jpg"}}{{/hket:inline-image}}

{{hket:inline-image name="02212001.jpg"}}{{/hket:inline-image}}

楊玉梅表示入行前任職私家診所護士，有次任職廣告公司的朋友將其照片給客戶，她因此被揀中拍攝雪櫃廣告，後來因緣際遇踏入娛樂圈，參與尚格雲頓的西片拍攝，繼而拍了不少卡拉OK的MV。至1990年經不起公司不停遊說參選亞姐，不單止順利入圍，被傳媒被形容為黑馬的她，更於準決賽奪得最上鏡小姐及完美體態獎，到總決賽就當選為季軍，同屆冠軍是吳綺莉，亞軍是施綺蓮，三人當選後一同簽約亞視。

《異搜店》今晚大結局丨BIG BOSS係李成昌定楊玉梅？ 何廣沛演精神失常仲好過喊戲【下一頁】

至於加入亞視後是否一帆風順？楊玉梅說：「記得選完美乜都未學過就要拍古裝做女主角，同湯鎮業拍《劍神不敗》（又名《傲劍至尊》）。我又未做過戲又未去過訓練班，拍古裝係好難，我仲要係一個俠女，嗰時真係慘，女仔未學過就要紮馬，徐二牛一嘢拍落我大髀話『你唔好以為自己選完美出嚟就做女主角，我都唔明點解可以搵你做女主角？唔打得，我都唔知點選人，紮個馬都唔識！』，我直情好hurt。（有無喊？）有少少眼淚啦，嗰時瞓又無得瞓，又唔食lunch，因為練喺張木凳度耍雜技轉碟，因為唔想NG累到人收唔到工，真係好唔開心，因為我真係唔識，但公司畀我唔通唔做？我都要做，我真係未讀過訓練班，今時今日做戲都係全部靠經驗，被人鬧、闖禍或者NG，直至到今日咁樣。」

56歲楊玉梅孖鮮肉拍劇素顏回春 31年力保亞姐完美體態招牌【下一頁】

提起同不少前輩合作，從中能夠汲取經驗，楊玉梅又有段不愉快經歷再爆：「我喺電視台5年真係辛苦，想再返出去闖吓會唔會好啲呢？因為記得嗰時同劉松仁拍《碧血青天珍珠旗》，可能自己真係好新，有場戲我有4頁紙對白，講我慢慢講到喊，佢就無乜對白，試完位又無乜嘢，當開始roll機佢真係兜巴啪、打落嚟，我直情呆咗……（劇本無掌摑戲？）無，佢打完呢巴我真係慢慢我一步步講對白，由無眼淚到好慘，一步步講完對白，我收唔到聲，然後大家一齊睇playback，睇完自己直衝咗出廠喺度喊，收拾好心情形返入廠，松哥仔就話『呢巴做得好呢，幫到你做戲喎，掂呀，你做得非常之好』，我話你唔驚我呢巴之後唔記得晒啲對白咩？佢話唔驚，覺得我做到。到呢一兩年再撞到佢，都仲同佢講番呢件事，佢話梗記得啦。」她緊接再爆劉松仁合作事情，指有場對方要抱起她跑，提議用替身或鏡頭遷就也不肯，最後雙雙仆倒地上，「啪一聲，佢成個人壓住我，搞到我乜都歪晒，呢啲係我好難忘記。」

（↓點擊圖片放大↓）

楊玉梅近年又再回歸無綫，早前播完的《異搜店》就飾演吳業坤的媽媽，令不少觀眾留下深刻印象。她說：「唔會永遠都主角，因為年紀會大，我鍾意演唔同角色，唔介意化老妝扮60、70歲，當然要有得發揮，唔係過鏡嘅角色。（第一次演媽媽心情？）有啲掙扎，問題係我未結過婚、生過仔，突然間有咁大個仔又好奇怪喎，又未做過人阿媽，但計年齡又生得出，咁就去學點做阿媽，要用咩態度語氣。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}