I SWIM丨吳海昕30歲視為人生幸運轉捩點 無悔選美：希望成績表唔好咁快停

ViuTV偶像劇《I SWIM》在7月11日播出，全劇焦點落在幾位男主角身上，包括人氣男團MIRROR成員呂爵安（Edan）、邱士縉（Stanley）、王智德（Alton），還有魏浚笙（Jeffrey），他們均飾演泳隊成員，而吳海昕（Sofiee）則飾演Miss翁，負責帶領C班游泳隊出戰，她坦言不介意被外界忽視，笑稱男主角們比女演員更注重身形，經常為身上的「朱古力」補妝。

同場加映：I SWIM丨吳海昕30歲視為人生幸運轉捩點 無悔選美：希望成績表唔好咁快停

{{hket:ul-video id="6119"}}{{/hket:ul-video}}

{{hket:inline-image name="DSC00936.jpg"}}{{/hket:inline-image}}

{{hket:inline-image name="DSC00959.jpg"}}{{/hket:inline-image}}

Sofiee日前接受《晴報》專訪，大讚Stanley身形健碩，還錯覺以為他游水很叻，但原來他游水速度不夠其他人快，又指Alton、Edan雖然身形較為瘦削，難以操到好大隻，他們會靠飲食輔助，Sofiee見到都不禁不佩服他們，她說：「平時放飯嘅時候，佢哋真係食好少嘢，食幾隻烚蛋、雞胸肉，而我食緊好肥膩嘅飯盒……當時我會坐遠啲，費事啲飯香會吸引到佢哋，但佢哋嘅意志力好堅定。見到佢哋拍之前都會做掌上壓，谷肌肉，又唔怕凍。呢套劇橫跨咗幾個月拍攝，有啲阻滯，受疫情影響，閂咗好多游泳，變咗之後要補拍，已經隔咗幾個月，冬天都要落水，我見到佢哋衫都冇得著，就要跳落冰水度！佢哋好博命，我睇到都覺得好熱血，自己心態都 『回春 』，唔係講外表，有時我見佢哋演番中學生，都會記起自己細個都有啲夢想，想去追逐。」

I SWIM丨Edan呂爵安推舉Stanley邱士縉著泳褲回饋鏡粉 Alton王智德原來係「蛙王」【下一頁】

{{hket:inline-image name="41.JPG"}}{{/hket:inline-image}}

Sofiee笑指Edan經常準備很多烚蛋和蕃薯，大讚他就算有其他工作在身，亦會熟讀劇本，十分專業，很重視演員這個職業，同時她笑說：「我第一次遇到呢種狀況，劇集男主角比女演員更加重視佢哋嘅身材，補妝都第一時間補，但唔係補塊面，係補啲『朱古力』（腹肌），因為冇得呃，一除晒衫，觀眾就知你有冇努力練水，同埋身形配唔配合到人物角色。」Sofiee指他們是「肌肉擔當」，全部都是真材實料，沒有一張劇照是P圖的。

Edan呂爵安@MIRROR拍《季前賽》被隊友嫌棄 「大家唔參與我射3分波嘅場口」【下一頁】

相信今次焦點將落在Edan、Stanley、Alton、Jeffrey等人身上，Sofiee直言毫不介意，她說：「齣劇Sell游水，落水嘅人先係焦點，係正常，反而對我嚟講變得好輕鬆，冇咁大壓力，可以好專注咁背熟劇本。我同佢哋過咗個咁開心嘅暑假，有好多畀中學生包圍嘅場面，例如去營火會、去沙灘，全部都會令你回憶青春嘅味道。」

{{hket:inline-image name="31.jpg"}}{{/hket:inline-image}}

【二月廿九】民選港姐吳海昕於無綫遭受冷待 為一事用盡身家 30歲蛻變人氣王【下一頁】

講到回憶，Sofiee參選2014年港姐比賽而入行，大熱卻未能殺入三甲，她坦言沒有後悔，「當時我做緊空姐，自己冇諗咁多，想轉換一下生活模式。呢個都係大家對我嘅記憶點。」她曾到紐約電影學（New York Film Academy）院修讀電影表演文憑課程，Sofiee：「我想知自己有咩不足，當時有好多批評，我好冇信心，自己係咪適合呢行？我都唔知！所以我想去睇吓自己係咪鍾意（演藝工作）……其實想知係咪鍾意，好簡單㗎咋，如果傾家蕩產，戶口冇晒錢，你都去做，即係代表你揀啱咗份職業。我以前做過一份工，有種唔想返工嘅感覺，根本唔係你鍾意嘅職業；而家我收到劇本，我好開心，就算冇對白，我都好開心，呢個就係我嘅理想職業。」

二月廿九│吳海昕穿越成癮演女醫生跨時空醫病 現場同專業醫生對戲大嗌好有趣【下一頁】

Sofiee慶幸沿途有很多人給予機會，笑稱：「我30歲之前冇人搵我做主角，30歲之後工作量增加，機會接踵而來，呢個係我人生幸運嘅起步。所以總有機會嘅，唔好放棄，就算有99個人鬧你，有1個人支持你，你就為嗰1個人去堅持，我就係咁一直行落去！或者我好想放棄嘅時候，我就重複睇以前嘅作品，我會覺得……我唔甘心觀眾對我嘅記憶點只係停留喺呢齣作品上，我想陸陸續續有更多戲劇作品，成為我影視圈裏面成長嘅印記，我希望自己嘅成績表唔好咁快就停。」Sofiee同時開心地透露8月尾將有音樂劇演出。

Makeup：Onki Lau
Hair：Zap Tang @toniandguyhk.official
Wardrobe：Valentino 
Stylist：PIPA Creative

撰文：黃曉妍

攝影：黃敬博、何家賢

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】