人氣男團MIRROR今日推出本年度第三首團歌《12》,作為送給「鏡粉(MIRROR粉絲)」的聖誕禮物。12位成員今年歌、影、視三綫發展,其中呂爵安(Edan)剛夥拍邱士縉(Stanley)、魏浚笙(Jeffrey)及P1X3L成員吳啟洋(Phoebus)拍畢劇集《i.Swim》,Edan趁着前日冬至,上載落水騷肌照,向「爵屎(Edan粉絲)」大派福利。
同場加映:《臨時械劫》|郭富城戴假耳仔哨牙look演賊王 爆同小齊林家棟有「男人的浪漫」
Edan於社交平台分享拍攝點滴,相中見他與邱士縉、魏浚笙及吳啟洋齊齊落水,大曬「朱古力」,讓一眾網民看得「嘩嘩」聲。Edan留言說︰「今日(前日)冬至,個個都出張着厚衫嘅相叫大家着多啲衫,所以我決定反其道而行,出幾張唔着衫嘅相,嚟叫大家着多啲衫!i.Swim四葉草提提你,冬至來了,要着多件衫喔!」
另外,Edan今年力爭男新人金獎,其中出道歌《E先生連環不幸事件》不但橫掃各大音樂串流平台的冠軍,更打入叱咤「我最喜愛的歌曲」最後五強,Edan日前不忘拍片感謝粉絲支持︰「多謝鍾意呢首歌嘅朋友,同埋fans投票支持。呢首歌對我嚟講意義重大,因為係我嘅出道作品,好多朋友因為呢首歌先認識到我,入到五強真係好開心、好感動。」
而Edan亦將進軍大銀幕,與吳君如、「爸爸」鄭中基及「媽媽」梁詠琪等合作賀歲片《闔家辣》,電影昨日公開預告片,見首次拍攝電影的Edan十分搶鏡,繼續使出《大叔的愛》的招牌反白眼,大放笑彈。
撰文:Pauline