人氣男子組合MIRROR成員Edan（呂爵安）自出道以來，除了唱歌外，還參與拍劇、電影、廣告等等，但相信大家更愛看他在綜藝節目的演出，在綜藝之神的眷顧下，他往往帶給觀眾不少歡樂，例如與羅家英主持的《臺灣文西Only You》、《膠戰》系列等。
同場加映：人間飄浮︳黃劍文一步之念 險隨母親做傻事 學懂珍惜：愛真係要講出口
{{hket:ul-video id="5897"}}{{/hket:ul-video}}
日前，華語電視網上頻道SinoTV MRBI《偶像名人堂》播出Edan的訪問，提到他在拍劇方面先後參演均以運動作題材的《男排女將》、《i.SWIM》、《季前賽》，在排球、游水和籃球之中，Edan坦言最喜歡籃球，「由中學開始，每日都打籃球，小息又打，放學又打，當時想入校隊，但同屋企人嘈過幾次，因為阿媽唔畀我入，驚影響學業……所以除咗打機之外，籃球都係我興趣；好得意，拍咗幾套劇都係運動題材，其實我唔係一個運動人，排球直頭唔識打，游水就……識游，如果出意外都唔會咁快死住嘅。要我喺呢3樣嘢入面揀，我最憎游水！就算沖涼，啲水掂到眼，我就擘唔大對眼。其實我係驚水，如果要我去深池，我係會驚！所以拍《i.SWIM》對我係一個好大考驗，運動有好處，就係強身健體，又可以操吓肌。」
《季前賽》丨Edan@MIRROR Po兄弟瞓覺醜照放過姜濤？ 肥仔災難級走樣 麻利讚嘆：好癲！【下一頁】
《季前賽》除了有Edan外，還有姜濤、Ian（陳卓賢）和Stanley（邱士縉），Edan大爆未埋位時，他們會趁機不停打籃球，打到要工作人員沒收他們的籃球，「因為我哋掛住打，打到成身汗，又要補妝，聽唔到指示……拍籃球戲真係好開心。」主持人藍海茵問到4人之中，哪位最「好波」？Edan說：「要我揀，Stanley、Ian球技都好好，因為佢哋兩個有打開聯賽，本身都叻，姜濤又成日打，而我呢……哈哈哈！我喺劇入面係3分波嘅射手，但我平時好少射3分波。」
新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握【下一頁】
《季前賽》的導演袁劍偉務要求他們每球都要射入，不可以「揸流攤」，Edan笑說：「每當拍我射3分波嘅場面，球場上有姜濤、Ian和Stanley等隊友，就話唔好拍到佢哋，唔係嘅話，我一NG，佢哋就入鏡，繼續『罰企』，哈哈！」而為求真實性，「現場有個教練Coach Fui，好用心教我哋，我都好努力練，加上有啲運氣元素，所以幾乎次次射入，唔會不停NG，拍到大家發晒脾氣。有一幕，我企喺半場射波，點知一Take就拍到！嘩！大家估唔到會入，我真係好開心，嗰種成功感好大。」
膠戰S2丨Edan被指最好色狂叫黐孖筋 急忙澄清：「我唔係鹹濕」【下一頁】
在電影方面，Edan十分幸運，能夠先後與兩位影后級人馬毛舜筠（毛姐）和吳君如合作《過時過節》及《闔家辣》，他說：「其實我拍《大叔的愛》嘅時候好迷茫，唔知點樣先叫做得好？點樣演得自然？好煩惱……《闔家辣》的確幫我打開咗度大門，因為君如亦都係呢部戲嘅監製，知道佢點樣去睇每場戲，邊啲位要改？點解要改？有場戲講我要好誠懇咁說服別人，演完之後，君如話試另一個方向，叫我食住麵包去說服人，食住麵包就變得輕鬆咗！即刻有兩種感覺，呢啲真係經驗。」至於拍攝《過時過節》時，有不少情感的機會，Edan坦言很害怕自己做得不好，幸好有毛姐教路。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】