恒基商場「夏日激賞」大抽獎 12部iPhone13 Pro等你攞

第2輪消費券下個月發放，最鍾意Shopping嘅黛安收到風，恒基地產旗下嘅沙田中心、沙田廣場同屯門時代廣場，即日起至8月14日推出「夏日激賞」大抽獎。只要喺場內以電子貨幣，包括信用卡、八達通同Payme等，單一消費滿$250或以上，再喺消費日起14日內經H•COINS手機App登記發票，成功獲批核後，除咗可賺取H•COINS，仲可以獲得「即抽即中獎」機會乙次，獎品人人有份，永不落空。

獎品包括逾千份高達$100嘅商場購物或餐飲現金券，以及其他精美禮品，最高可享40%消費回贈。黛安仲知道，活動期內同場更有iPhone大抽獎，抽獎分6階段進行，共有12部iPhone13 Pro（128GB）等住大家贏走。第2階段抽獎由即日（8日）起至14日展開，每個階段內嘅「即抽即中獎」參加者均可自動參加，登記發票愈多，抽獎及中獎機會愈大；抽獎結果會喺今年9月14日公布。大家盡情購物之餘，記得去登記贏獎賞喇！