資深演員何啟南在80年代被星探發掘入行,當年只有17歲,合約要帶回家給媽媽簽名,1986年拍攝首部電影《青春怒潮》,之後更憑電影《操行零分》,「何大力」一角,獲提名《第6屆香港電影金像獎》「最佳新演員」獎項,由於年紀小,「唔聽人講」的性格,漸漸令他在影圈上消失,直至1996年加入無綫,行行企企的角色令他深感無癮,自問都得不到答案,當刻他才發現自己根本「未夠料」。
同場加映:何啟南由電影男一轉做無綫行企角色 暫拒北上賺錢:我唔捨得家庭
何啟南早前接受《晴報》專訪,對於入行拍電影已經做男主角,再獲提名獎項,他坦言:「以為自己好掂,但點知好快就冇乜人搵我,我真係唔知點解,係我個樣有問題?得罪咗人我自己唔知?性格做成,唔聽人講、衝動,呢個係我以前嘅性格,而家都會,不過冇以前咁激,例如以前有人搵我,我話『我走喇,我唔拍,唔做喇,我想試幕後。』。」於是,他在英國修讀兩年電影製作文憑課程,曾想做副導演的他,發現自己沒有資格勝任,做電影製片因要管錢而選擇放棄,最終再次走到幕前。
何啟南與同班同學胡渭康重返母校 昔日頑童長大了感慨:枱凳已成古蹟【下一頁】
由電影男主角變到在無綫行行企企,心情彷如坐過山車一樣,何啟南直言:「係好唔舒服㗎,點解會咁嘅?問自己都冇用,都答唔到自己,一直做落去先至發覺自己未夠料,學吓嘢先啦!」他表示曾經有灰心過,做到好無癮,「又係做呢啲嘢,又係做奸角,可能公司覺得我做到七情上面,都會驚定型,但冇辦法,我又唔會去敲門叫人哋畀我做好人。放棄自己咪仲衰,冇意思㗎喎,千祈唔好放棄自己,總之仲可以做,咪做囉,我希望撞到個角色、劇本,可能呢世都撞唔到,但你唔去試就一定撞唔到,我諗每個演員都係喺度等。」
愛回家丨雷公組雷聲大男團硬撼大四喜 何啟南尷尬舞男Look:幾驚無衫著【下一頁】
雖然他表示一直期待住令自己滿意的劇本和角色,但他在處境劇《愛‧回家之開心速遞》中飾演胡景騰(John),這個角色卻令他最入屋,他笑說:「我喺《愛‧回家》入面,對Helen(姚瑩瑩飾演)好情深,但中間又走咗個細龍太(陳偉琪飾演)出嚟喎,觀眾就會睇我究竟係好男人定渣男,佢哋鍾意睇我幾時衰,因為講我成日同細龍太去長島酒店,個個都想知道幾時穿煲,不過最尾都冇穿,後來寫寫吓又寫咗去第二度,愛情線冇咗,但我又去咗同白彪嗰條線。算係一個好角色,做John都做咗4年,但未去到我好鍾意好鍾意。」
《愛回家》何啟南做TVB為養家兼職賣二手車 愛妻才子背景勁到估你唔到【下一頁】
與其在無綫一直等待,何不選擇向外闖,為自己帶來更多機會,何啟南說:「我有諗過,王維基(HKTV掀起挖角潮)嗰陣時,但我發覺兩邊冇乜分別,嗰邊(王維基HKTV)都係呢邊(TVB)啲人,我當時咁諗法,所以我最後冇走,咁我喺出面都有啲嘢拍。」他亦有跟太太商量過,如果北上發展,起碼要離港半年,他不捨得家庭。結婚5年,婚姻影響他很多,「個人定咗,靜過以前,以前鍾意周圍走,屋企好似有鬼咁,而家就鍾意留喺屋企。」由於疫情關係,減少出街,何啟南指自己變了廚師,閒時會下廚整番兩味。
對於未來,何啟南仍然喜歡演戲,他希望影視圈能夠百花齊放,他說:「希望香港多幾個電台、電視台,而家個個都喺度講緊大灣區,希望多番啲製作,同埋電影,好似以前咁,大家都有好多工作。」
撰文:黃曉妍
攝影:王華婷、林君茹
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】