珍惜眼前人 ︳嫌老頑童爸爸失禮拒陪外出 父突離世兒子未盡孝道追悔不及

過去的周日（19日）為父親節，不少子女都會送禮物、帶爸爸外出用餐慶祝。一名港男撰長文傾訴，指父親一向如老頑童，愛講冷笑話、跟陌生人搭訕，他因尷尬失禮而抗拒與父親外出，直至上月底爸爸去世，事主終後悔當初嫌棄父親，遺憾當日未有盡孝道，籲大家珍惜眼前人。

同場加映：
管家王︳起床後肩頸膊痛瞓極都好攰 陳定幫教你化解「辛苦命」

{{hket:ul-video id="5964"}}{{/hket:ul-video}}

父親節 ︳Hea爸遇上虎媽常唱反調成磨心，加入爸爸群組悟出育兒之道，詳情即睇：【下一頁】

 一名男網民本周日（19日）在網上討論區「連登」發帖，表示父親喜歡講冷笑話，並分享對方幾次「尷尬行為」。他指有一次帶女友回家，一開門父親就大聲向女友喝道：「做咩收埋把刀喺身度？」女友聞言深驚訝，馬上舉高雙手「投降」，回答「冇呀Uncle（叔叔）」，原來父親是想講食字冷笑話，笑稱「少女藏刀呀嘛」。

父親愛講冷笑話 頓感尷尬

事主續稱，另一次父親跟姐姐的男友一起飲茶，期間問對方從事甚麼職業，姐姐男友回答自己剛畢業，父親聞言小聲問他「你好人好者做咩唔好，點解要走去做賊呀仔」，對方聞言不知如何反應，

「之後我老竇一臉正經咁同佢講，『你偷咗我女個心呀嘛......』」

事主又憶述中學時期欲鍛煉肌肉，他跑步回家後請父親按著其雙腳做仰臥起坐，父親卻不願意幫忙，追問多時父親始肯透露原因，「佢答我因為嗰排成日同我嘈交，幫完我，驚遲啲唔夠我抽呀嘛......」

事主形容每次外出父親都會跟陌生人搭訕、講冷笑話，曾經有次父子倆去吃薄餅，父親發現薄餅底盤形似乒乓球拍，「食完佢係咁捉住啲𡃁妹Part-time（兼職侍應），問人哋打唔打乒乓波」，令事主頓感尷尬，故長大後越來越抗拒跟父親外出。

↓ 點 擊 圖 片 放 大 ↓

父親離世 遺憾未盡孝道

不過事主話鋒一轉，指其實原本計畫今年父親節跟爸爸外出用餐慶祝，惜父親在上月底離世，令他後悔在爸爸在生時未有好好盡孝，以及跟爸爸去旅行，「第一年過冇佢嘅父親節，覺得自己好不孝，成日嫌棄佢，冇好好關心佢，冇多啲陪佢，冇同佢影多啲相留低啲回憶，而家連同佢講『父親節快樂』嘅機會都冇了，覺得自己未盡孝，畀唔到佢享福，佢就走咗。」

事主坦言尚未能接受父親已去世的事實，他在父親節當天回看以前的照片，認為從前覺得尷尬時刻，現在回想其實均是珍貴難忘的回憶。他又指兩父子關係其實不算很好，兒時總覺得父親不愛錫和重視自己，

「2個家姐都學樂器，我話想學打鼓，佢就叫我落街踢波啦，成日同佢嘈交，不過而家諗起其實都係啲雞毛蒜皮事。前幾日整理老竇遺物，先發現佢一直擺咗我中學學生相喺銀包。」

他直言如果可以重來，希望能好好修補跟家人的關係，並寄語網民多花時間陪伴家人，免得將來後悔，「有啲嘢錯過咗就冇機會，面子其實好小事，屋企人先係最重要，父親節希望大家多啲陪吓、關心吓屋企人，唔好好似我咁冇咗先珍惜。」他亦向天上的爸爸表示：「父親節快樂，你辛苦了。」

網民：笑笑吓睇到想喊

不少網民看到帖文後大呼感動，並留言安慰事主，亦有人大讚其父風趣幽默，為身邊的人帶來歡樂，著事主要繼承爸爸的「衣缽」。另有網民分享自己跟父親的相處經歷，並感謝事主的提醒。

↓ 點 擊 圖 片 放 大 ↓

父親節 ︳愛女升中患白血病，港爸停工24小時陪伴，不望子成龍只求健康成長，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀