賴弘國「官方」公開新老婆正面照 三任太太都係女神級網民羨慕

有「醫界王陽明」之稱嘅賴弘國前年3月同鍾欣潼（阿嬌）離婚，經2次婚姻失敗，離婚後令佢一度陷入憂鬱暴瘦。不過佢已經走出陰霾，今年2月靜靜雞同曾任空姐嘅Alice奉子結婚，目前女方已經懷孕7個多月，預產期喺8月17日。不過賴弘國一直都好保護老婆，從未曝光對方正面相，不過噚日佢終於都忍唔住要「炫耀」靚靚老婆喇！

同場加映： 人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

賴弘國日前喺IG分享夫妻倆同友人聚會嘅合照，相中佢著住牛仔襯衫露出幸福微笑，坐佢左手邊嘅就係老婆Alice。Alice長相甜美，一把黑色長直秀髮加黑色洋裝，氣質滿分，佢用依然纖細嘅雙手放喺胸前巧妙遮肚，一啲都唔似懷孕7個月。賴弘國首次「官方」公開老婆靚樣，網友紛紛留言稱讚「老婆好漂亮」、「老婆很有氣質」、「老婆也太正」、「有啲似邱淑貞大女沈月」，大家都讚佢好眼光，三任太太都係女神級美女，令人羨慕！

{{hket:inline-image name="af74c07f769e275c9ff785d1b1d4223c.jpg"}}{{/hket:inline-image}}

Alice係前阿聯酋航空空姐，辭職後轉行電子科技業，佢曾經向傳媒大讚賴弘國個性很好，表示：「（跟賴弘國）根本吵不起來，有時候欺負他，他也不會反擊，所以我真的不懂為何他常被妖魔化」。

結婚3次嘅賴弘國2020年同阿嬌離婚，佢表示離婚原因係阿嬌「不愛了」，最後阿嬌向賴弘國提出「分居協議」，並告知：「對不起，以為婚後會慢慢愛上，但真的沒辦法，想要分開。」賴弘國2016年同有「華航林依晨」之稱嘅趙筱葳（Ivy）註冊結婚，趙筱葳因此辭去空姐工作，但二人短短半年就宣告離婚。趙筱葳坦言當時感到無奈、措手不及：「交往一年半，結婚半年就分開……我心理建設……走了很長一段時間才能走出來！突然這件事情令我步調被打亂了。」令佢不停諗係咪自己做錯事而「被離婚」，幸好最後靠自己信念從陰霾中走返出嚟。