「夏日快閃︰機動恐龍展」 1比1恐龍現身九龍倉商場

今年7月，領賢慈善基金將與康文署合辦名為「香港賽馬會呈獻系列︰八大‧尋龍記」嘅珍貴恐龍化石標本展覽；黛安收到風，九龍倉商場亦會同領賢慈善基金，6月率先喺旗下兩大商場，即海港城及時代廣場聯合主辦「夏日快閃︰機動恐龍展」，分別展出1：1原大嘅機動君王暴龍及劍龍。今次係第5波疫情後首個大型戶外展覽，相信大家都好期待，除咗展覽仲可以參加唔同恐龍主題嘅活動㖭。

海港城「海運觀點」及時代廣場「露天廣場」將由6月7日起，分別展出約4.6米高、12米長嘅機動君王暴龍，以及約3.7米高、9米長嘅機動劍龍，佢哋睇起嚟栩栩如生，連「呼吸和咆哮」都好似活生生嘅動物㗎！展期大約有1個多月，想知更多詳情，就要密切留意海港城及時代廣場嘅官網公布詳情喇。