北角匯「感謝祭」 逾13000件貨品美食激減

黛安收到情報，北角匯即日起至7月會舉行「感謝祭」，推出近200個涵蓋逾13,000件美容、餐飲、家居用品及運動裝備等消費優惠。大量貨品會以3折至半價發售，部分仲低至1折㖭，例如Shaz Confections件裝蛋糕等。數量有限，萬勿錯過呀。

另外，下星期三（25日）至7月6日，場內兩大日韓超市亦會推出過百種激筍優惠，例如喺一田超市，可以低至6折購入鹿兒鳥和牛及日本女峰士多啤梨等；新世界韓國食品超市亦會舉行北角店一周年大誌慶，除咗醬油蟹等買一送一，更會推出限定4大「至K禮遇」，例如出示有相片嘅身份證明文件，而英文名含「KOREAN」中3個或以上英文字母，即可獲9折優惠券乙張；購物淨價滿$500送精美保溫袋；The Point會員消費滿$100或以上，更可用$5換購韓國正宗手工泡菜乙盒。

此外，頭5位累積消費金額最高嘅The Point會員，有機會贏取iPhone 13 Pro、iPhone 13 Mini及超市禮券等豐富禮物㗎，黛安都要約埋朋友去入貨喇。