一田購物優惠日5.25開鑼 逾萬件筍貨低至1折

一田購物優惠日下周三（25日）開鑼，喺12間分店及12個特別展場同步舉行，黛安收到風，逾萬件精選貨品低至1折發售，仲有一連7日嘅一口價驚喜！例如首日5月25日有限定$76（1折）嘅PRIMADA 1.6L多功能飯煲；5月27日有限定$69（1折）嘅ATHENS 1800W電磁爐等。部分電視亦以低至2折出售，如限定喺下周四（26日）發售嘅「TCL 24" LED iDTV」只售$296（每店限售兩部），以及只售$618嘅「SKYWORTH 40" ANDROID TV」等。

超市方面亦會一連兩周推出26折起激減美食，更設「$100任揀4件」專區，顧客可任揀4件韓國零食、健康食品、精油雜貨等。一田百貨行政總裁黃思麗話，希望放寬社交距離措施後，更多市民會外出消費，料優惠日可帶動5月份營業額按年升8至10%。未來亦計劃再開2間新店，包括本周五（20日）開幕、位於天水圍Wetland Seasons Park商場嘅分店，方便大家去掃貨。