優品 360˚與基層家庭「一起童行」

黛安相信知識可以改變命運嘅道理，所以一有與兒童相關嘅慈善活動，都會特別關注，希望能出一分力，可以幫助佢哋唔會因為家境嘅緣固而限制咗視野，阻礙咗學習以致日後嘅發展。早前，優品 360˚為咗慶祝成立10週年，秉承一貫「取諸社會，用諸社會」嘅理念，舉辦咗一系列以基層兒童為對象嘅「一起童行，你買我捐」慈善活動。活動繼續夥拍合作多年、積極於社區推動扶貧工作嘅香港社區組織協會合作，除咗喺開學前贈送出250張上學鞋券，開學之後仲搞咗一次電影包場睇戲活動。活動共搞咗6場電影專場，邀請超過500個住喺劏房或過渡性房屋嘅家庭，一齊入場睇合家歡卡通電影，集團義工隊仲為佢哋送上爆谷同飲品。黛安知道有啲小朋友係第一次入戲院，見到佢哋可以一家人一睇開心睇戲，都覺得好溫馨。

上星期，優品 360˚仲趁住中秋佳節，向500個基層家庭派發福袋。福袋入面除咗應節嘅月餅，仲有多款健康食物。義工隊亦有趁機會同呢啲基層家庭傾吓偈，了解吓佢哋嘅情況同埋小朋友嘅學習環境，希望令基層家庭可以感受到社會對佢哋嘅關懷。

{{hket:inline-image name="1006360_2.jpg"}}{{/hket:inline-image}}

{{hket:inline-image name="1006360_1.jpg"}}{{/hket:inline-image}}