太古地產「書出愛心‧十元義賣」 網上預售兒童青少年書

近年物價飛升，$10對好多人嚟講只係小數目，但係參與太古地產「書出愛心‧十元義賣」活動，付出$10就代表多重意義。由捐書、買書，以至閱讀後再捐出，參與者可透過流轉分享傳遞愛心；另一方面，書本嘅生命和精神得以循環，亦十分環保；而捐書、買書或送人亦可鼓勵閱讀風氣；最重要係可以將「行善為樂」精神灌輸畀下一代。

今次義賣活動籌得嘅善款，將悉數用作支持香港小童群益會嘅「群益寶庫」計劃，以及義務工作發展局推動義務工作嘅持續發展。

黛安聽聞，實體義賣活動將於6月25日至7月3日喺太古坊舉行。今年特別喺實體活動前，首次推出網上慈善義賣，由即日起至6月16日，預售兒童及青少年書籍，一律每本$10。詳情可【按此】瀏覽。