「合味道紀念館香港」 周年慶大玩解密遊戲

唔經唔覺「合味道紀念館香港」已開咗1年，為咗慶祝踏入1周年，黛安知道，紀念館將打造全新原創實景解密遊戲—福爾摩「清」。大家可變身智力過人嘅日清偵探，搵離奇失蹤嘅紀念館館長，抽絲剝繭破解連串同日清食品有關嘅謎題。喺館內同朋友、情侶或家人，甚至獨自展開鬥智鬥力嘅刺激之旅，腦筋急轉彎，喺福爾摩「清」遊戲簿儲齊指定任務印章。

此外，館內仲增設3大全新打卡位，包括「福爾摩『清』員工證」、「清仔清妹偵探造型」及「福爾摩『清』偵探總部」，非常吸引。公關姊妹話，即日起凡於網上或紀念館購買1張或以上紀念館工作坊門票，即可以$50升級價換購包括遊戲簿、鉛筆及1套絕密遊戲卡（遊戲卡須於離開前交還）嘅福爾摩「清」遊戲包乙份，先到先得。