林明禎驚喜登紅館攜貓山王榴槤贈慶 張敬軒冧爆：台上台下都暈晒浪

今年一月張敬軒（軒仔）舉行的紅館騷，由於新冠肺炎第五波疫情肆虐無奈煞停。個唱補場昨晚重啟，軒仔找來馬來西亞女神林明禎擔任嘉賓，讓她在紅館舞台初試啼聲，對方臨走時特別向軒仔示愛︰「我會想你！」軒仔事後笑言被電暈：「台上台下都暈晒浪。」面對女神的嗲功也要投降。

同場加映：林希靈偏愛高佬陳安立拍拖頸痠 踢爆未婚夫愛霸廁所玩手機

{{hket:ul-video id="5724"}}{{/hket:ul-video}}

{{hket:inline-image name="280621527_1634778093549824_5800191679374691584_n.jpg"}}{{/hket:inline-image}}

{{hket:inline-image name="H2.jpg"}}{{/hket:inline-image}}

《張敬軒THE NEXT 20 演唱會》昨晚重新開鑼，因社交距離措施限制，紅館只能坐五成觀眾，大會特別將原本八場補場增至16場。軒仔在台上承諾每晚會當作尾場般演出，落力獻唱。去年曾為軒仔的YouTube節目《軒公敲碗》任嘉賓的林明禎，昨晚再為軒仔個唱任嘉賓，她以跌膊晚裝上陣，又以甜美笑容秒殺台下觀眾，女神靚絕全場。

{{hket:inline-image name="280521279_167114692372323_1806281514010503765_n.jpg"}}{{/hket:inline-image}}

初登紅館舞台的明禎以廣東話向軒仔稱︰「我真係好緊張，我何德何能可以嚟到呢度同你合唱？我今日（昨晚）第一次嚟紅館，又係第一次着呢種裙…」軒仔即回應︰「我何德何能請到新一代女神同我合唱就真！你靚到好似美人魚咁呀！」明禎也大賣口乖︰「我係最幸福嘅女子，等咗呢個機會好耐。」明禎更玩謝軒仔這位「早餐界KOL」，笑指在IG經常見軒仔吃白麵包，擔心對方營養不良，特地帶來家鄉大馬特產貓山王榴槤賀軒仔開騷：「你早餐可以食麵包加榴槤，咁先夠營養。」軒仔聞言反問︰「平時我買嘅係已經打開咗嘅榴槤，你咁樣畀我，我唔知點開。」女神馬上施冧功︰「我可以幫你開呀，你可call我或者text我！」笑爆全場。

{{hket:inline-image name="H1.JPG"}}{{/hket:inline-image}}

{{hket:inline-image name="280636391_1634778090216491_8631995986463611469_n.jpg"}}{{/hket:inline-image}}

明禎又向軒仔自薦說︰「我唱歌唔係好叻，希望可以拍你個MV。」二人其後合唱國語歌《只是太愛你》，明禎表現不俗，軒仔乘機與女神拖手、攬攬，享盡溫柔。明禎臨落台時更嗲爆當眾示愛︰「我會想你呀！」難怪騷後軒仔在IG大讚：「謝謝明禎，台上台下都暈晒浪。」另一邊廂，昨晚台下有歌迷「送鐘」，高舉一個閃令令的紙紮鐘牌送給軒仔，令偶像哭笑不得。軒仔說：「你送個鐘畀我？紙紮鐘？你真係好嘢！」他除了承諾送兩張尾場山頂位門票給該位歌迷作回禮，又不脫其mean爆本色說：「佢個牌，（工作人員）幫我化咗佢得㗎啦…真係大吉利是，呢啲紙紮禮物一年收一次夠啦，百無禁忌！」此外，網上流傳個唱補場的嘉賓名單，包括姜濤、吳林峰等，英皇娛樂演唱會部總監馮貽柏表示，流傳的嘉賓名單存在很多幻想及虛構，他指每晚嘉賓當晚才會公布，為觀眾帶來驚喜。

{{hket:inline-image name="280577569_1634778106883156_4381393890097566593_n.jpg"}}{{/hket:inline-image}}

撰文：梁紹明